Daily interviews
RFI
នៅរៀងរាល់ថ្ងៃ យើងនឹងជួបសម្ភាសជាមួយអ្នកនយោបាយ តំណាងសង្គមស៊ីវិល ឬអ្នកឯកទេសផ្សេងៗ ដើម្បីនិយាយពីព្រឹត្តិការណ៍សំខាន់ៗ ដែលកើតមានឡើងនៅក្នុងប្រទេសកម្ពុជា។
Location:
France
Genres:
Arts & Culture Podcasts
Networks:
RFI
Description:
នៅរៀងរាល់ថ្ងៃ យើងនឹងជួបសម្ភាសជាមួយអ្នកនយោបាយ តំណាងសង្គមស៊ីវិល ឬអ្នកឯកទេសផ្សេងៗ ដើម្បីនិយាយពីព្រឹត្តិការណ៍សំខាន់ៗ ដែលកើតមានឡើងនៅក្នុងប្រទេសកម្ពុជា។
Language:
Khmer
Episodes
លោក សេង សុខហេង៖ បទល្មើសព្រៃឈើតែងកើតឡើងជាប្រចាំ និងបានបង្កើនសកម្មភាពអំឡុងពេលមានការបោះឆ្នោត
6/6/2023
លោកនាយករដ្ឋមន្ត្រី ហ៊ុន សែន តាមរយៈសារសម្លេងកាលពីថ្ងៃចន្ទម្សិលមិញ ក៏ដូចជាការថ្លែងនៅថ្ងៃអង្គារនេះដែរ បានបញ្ជាឲ្យរដ្ឋមន្ត្រីក្រសួងបរិស្ថាន និងក្រសួងកសិកម្ម អាជ្ញាធរខេត្ត និងសមត្ថកិច្ចពាក់ព័ន្ធបញ្ចេញកម្លាំងទប់ស្កាត់ និងបង្ក្រាបការកាប់បំផ្លាញព្រៃឈើ ការទន្ទ្រានយកដីរដ្ឋ ដែលតែងតែកើតឡើងមុនពេល និងអំឡុងពេលមានការបោះឆ្នោត។ លោកនាយករដ្ឋមន្ត្រី ក៏បានបញ្ជាឲ្យចាប់យកមេខ្លោង ដែលនៅពីក្រោយការកាប់បំផ្លាញព្រៃឈើ និងការទន្ទ្រានយកដីរដ្ឋនេះមកដាក់ទោសផងដែរ ដោយមិនមានការលើកលែង។ សម្រាប់លោក សេង សុខហេង អ្នកសម្របសម្រួលនៃលេខាធិការដ្ឋានបណ្ដាញសហគមន៍ព្រៃឡង់វិញ បានស្វាគមន៍ចំពោះការលើកឡើងរបស់ប្រមុខរដ្ឋាភិបាល ក៏ប៉ុន្តែលោកកត់សម្គាល់ថាកន្លងមកការប្រព្រឹត្តបទល្មើសព្រៃឈើ និងការទន្ទ្រានយកដីរដ្ឋនៅតែបន្តកើតឡើងដូចភ្លៀងរលឹម និងមានការបង្កើនសកម្មភាពអំឡុងពេលមានការបោះឆ្នោតផងដែរ។
Duration:00:12:09
លោក សឺន ជុំជួន៖ សិទ្ធិពលរដ្ឋខ្មែរកម្ពុជាក្រោមបានប្រសើរជាងមុនតែចងដោយច្បាប់វៀតណាម
6/4/2023
ដូចរាល់ឆ្នាំដែរ ពលរដ្ឋខ្មែរកម្ពុជាក្រោមតែងតែរំឮកខួបនៃការផ្ទេរទឹកដីខ្មែរក្រោមទៅឲ្យវៀតណាមគ្រប់គ្រងដែលគិតមកដល់ពេលនេះគឺ៧៤ឆ្នាំហើយ។ រស់នៅក្រោមការគ្រប់គ្រងរបស់រដ្ឋអំណាចវៀតណាម ខ្មែរម្ចាស់ស្រុកមិនមានសិទ្ធិសេរីភាពនោះឡើយ ទាំងការប្រតិបត្តិជំនឿសាសនា ការសិក្សារៀនសូត្រប្រវត្តិសាស្ត្រ និងអក្សសាស្ត្រខ្មែរជាដើម។ លោក សឹន ជុំជួន អគ្គលេខាធិការសមាគមខ្មែរកម្ពុជាក្រោមដើម្បីសិទ្ធិមនុស្ស និងអភិវឌ្ឍន៍ កត់សំគាល់ថា សិទ្ធិជាជនជាតិដើមរបស់ខ្មែរកម្ពុជាក្រោមបានប្រសើរជាងមុនបន្តិច បើគេមើលពីខាងក្រៅ តែការប្រតិបត្តិជាក់ស្តែង ឬការជួបជុំណាត្រូវបានចងច្បាប់របស់វៀតណាមមិនឲ្យរើខ្លួនរួចឡើយ។
Duration:00:10:39
លោក វ៉ាត់ ចំរើន៖ ការបើកព្រឹត្តិការណ៍កីឡាប៉ារ៉ាហ្គេមមានអ្នកចូលរួមមិនតិចជាងស៊ីហ្គេមទេ
6/3/2023
ក្រុមអ្នកសំដែងសិល្បៈក្នុងការបើកព្រឹត្តិការណ៍កីឡាប៉ារ៉ាហ្គេមនៅយប់នេះ ប្រមាណ៣ពាន់នាក់ ខណៈអ្នកចូលរួមទស្សនាផ្ទាល់រំពឹងថាមានជិត៦ម៉ឺននាក់។ នេះបើតាម លោក វ៉ាត់ ចំរើន។ អគ្គលេខាធិការគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ បានថ្លែងថា ផ្ទាំងទស្សនីយភាពនេះក៏រំលេចចេញឲ្យឃើញពីសមត្ថភាពរបស់ជនពិការផងដែរ។ បើតាម លោក វ៉ាត់ ចំរើន ការរៀបចំព្រឹត្តិការណ៍កីឡាជនមានពិការភាពនេះ គឺលំបាកជាងការរៀបចំព្រឹត្តិការណ៍ស៊ីហ្គេម ទោះជាចំនួនប្រតិភូកីឡាតិចជាងក៏ដោយ។ សូមស្តាប់បទសម្ភាសរវាង អ៊ឹង ប៊ុនថន និងលោក វ៉ាត់ ចំរើន៖
Duration:00:10:58
លោក រស់ សុដ្ឋា៖ អវត្តមានគណបក្សប្រឆាំង គឺជាសោកនាដកម្មសម្រាប់អ្នកនយោបាយ និងប៉ះពាល់ដល់សិទ្ធិអ្នកបោះឆ្នោត
6/2/2023
ក្រុមអង្គការសង្គមស៊ីវិលកាលពីថ្ងៃទី០១ ខែមិថុនា ម្សិលមិញ បានចេញសេចក្តីថ្លែងការណ៍រួមមួយពាក់ព័ន្ធទៅនឹងការធានាសិទ្ធិបោះឆ្នោត និងសិទ្ធិឈរឈ្មោះឲ្យគេបោះឆ្នោតសម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣។ លោក រស់ សុដ្ឋា នាយកប្រតិបត្តិអង្គការសម្ព័ន្ធភាពការពារសិទ្ធិមនុស្សកម្ពុជា ហៅកាត់ថា(CHRAC)បានថ្លែងថា គោលបំណងនៃសេចក្តីថ្លែងការណ៍រួមរបស់ក្រុមអង្គការសង្គមស៊ីវិល គឺចង់ឲ្យមានការលើកកម្ពស់គោលនយោបាយពហុបក្សក្នុងការចូលរួមបោះឆ្នោត និងសិទ្ធិឈរឈ្មោះឲ្យគេបោះឆ្នោត។ តាមលោក រស់ សុដ្ឋា អវត្តមានរបស់គណបក្សប្រឆាំងពីរ គឺគណបក្សភ្លើងទៀន និងគណបក្សមហាសាមគ្គីជាតិខ្មែរ គឺជាសោកនាដកម្មមួយសម្រាប់អ្នកនយោបាយ ខណៈអ្នកនយោបាយមួយចំនួនបានប្រឹងប្រែងតស៊ូចូលរួមការបោះឆ្នោតចាប់តាំងពីគណបក្សចាស់ត្រូវបានរំលាយ រហូតមកដំណើរការជាមួយគណបក្សប្រឆាំងថ្មី។
Duration:00:08:59
លោក អំ សំអាត៖ «ពន្ធនាគារមិនមែនជាកន្លែងសម្រាប់អនីតិជននោះទេ»
6/2/2023
ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅរាត្រីនេះ គឺលោក អំ សំអាត នាយកទទួលបន្ទុកកិច្ចការទូទៅនៃអង្គការលីកាដូ។ នៅក្នុងឱកាសទិវា១មិថុនានេះ អង្គការលីកាដូបានចេញរបាយការណ៍មួយបង្ហាញថា អនីតិជនជាប់ឃុំក្នុងពន្ធនាគារនៅកម្ពុជាឆ្នាំ២០២៣នេះ មានការកើនឡើងចំនួនជាង ៣០ភាគរយ ធៀបទៅនឹងឆ្នាំមុន។ ក្នុងនោះចំនួនអនីតិជននៅក្នុងពន្ធនាគារមានរហូតដល់ទៅ ១៦៥៨នាក់ ក្នុងខែមេសា ឆ្នាំ២០២៣។ តាមលោក អំ សំអាត ពន្ធនាគារមិនមែនជាកន្លែងសម្រាប់អនីតិជននោះទេ ដោយច្បាប់បានផ្តល់ឱ្យអាជ្ញាធរនូវជម្រើសផ្សេងៗជាច្រើនទៀតក្រៅពីការឃុំខ្លួនកុមារ។ នាយកទទួលបន្ទុកកិច្ចការទូទៅនៃអង្គការលីកាដូរូបនេះ អំពាវនាវដល់រដ្ឋាភិបាលកម្ពុជាដោះស្រាយជាបន្ទាន់ ចំពោះបញ្ហានៃការកើនឡើងកុមារជាប់ឃុំឃាំង និងចម្រើនវ័យនៅក្នុងពន្ធនាគារដ៍ចង្អៀតណែននេះ។
Duration:00:10:24
លោក គីមសួរ ភីរិទ្ធ៖ នីតិវិធីផ្លូវច្បាប់ចប់ មានតែដំណោះស្រាយនយោបាយ
5/31/2023
គណបក្សភ្លើងទៀននៅតែ បង្ហាញឆន្ទៈចង់ចូលរួមការបោះឆ្នោតនៅពេលខាងមុខ បើទោះជាក្រុមប្រឹក្សាធម្មនុញ្ញបានឯកភាពតាម(គជប) មិនឲ្យគណបក្សនេះចូលរួមបោះឆ្នោត ដោយបិទផ្លូវតវ៉ាក៏ដោយ។ អ្នកនាំពាក្យគណបក្សភ្លើងទៀន លើកឡើងថា នៅពេលដែលនីតិវិធីផ្លូវច្បាប់បានហើយ គឺមានតែដំណោះស្រាយតាមផ្លូវនយោបាយតែប៉ុណ្ណោះ។ ផ្លូវនយោបាយ ដែលលោក គីមសួរ ភីរិទ្ធ ចង់ឲ្យមានការចរចាណាមួយ ដើម្បីចុះបញ្ជីគណបក្សភ្លើងទៀនឡើងវិញ ខណៈគម្រោងធ្វើការជួបជុំគ្នា១ម៉ឺននាក់សំដែងមតិគឺត្រូវការអនុញ្ញាតពីអាជ្ញាធរជាមុនសិន។
Duration:00:07:12
លោក អាត់ ធន់៖ ស្ថានភាពមានការងារធ្វើរបស់កម្មករកាត់ដេរប្រសើរឡើងវិញ តែមិនទាន់ដូចចុងឆ្នាំ២០២២នៅឡើយ
5/30/2023
ស្ថានភាពការងាររបស់កម្មករ និយោជិតនៃវិស័យឧស្សាហកម្មកាត់ដេរ ផលិតស្បែកជើង និងសម្ភារៈធ្វើដំណើរបានត្រលប់មករកភាពប្រសើរឡើងវិញ បន្ទាប់ពីវិស័យនេះ បានរងនូវការរំខានពីជំងឺកូវីដ-១៩ ក៏ប៉ុន្តែស្ថានភាពនេះ នៅមិនទាន់ដូចកាលពីចុងឆ្នាំ២០២២នៅឡើយទេ។ នេះបើតាមការកត់សម្គាល់របស់លោក អាត់ ធន់ ប្រធានសហភាពការងារកម្ពុជា។ មេដឹកនាំសហជីពរូបនេះបន្តថាវិវាទការងារបច្ចុប្បន្ននៅតែច្រើន សេរីភាពសហជីពកាន់តែរួមតូច ជាហេតុនាំឲ្យមានការតវ៉ាតិចតួចដោយសារមិនមានអ្នកតំណាងជួយដោះស្រាយ។ ជាមួយគ្នានេះ លោក អាត់ ធន់ បញ្ជាក់ថាបញ្ហាលំបាករបស់កម្មករ និយោជិត ក៏ត្រូវបានស្នើឡើងដល់គណបក្សនយោបាយនានាផងដែរ ខណៈដែលកម្ពុជាមានការបោះឆ្នោតនៅខែកក្កដាខាងមុខ។ ក្រៅពីនេះ មេដឹកនាំសហជីពរូបនេះ ក៏មានការបារម្ភពីផលប៉ះពាល់ដល់កម្មករ ពីការបាត់បង់ភាពអនុគ្រោះពន្ធរបស់សហភាពអឺរ៉ុប(EBA) និងGSP របស់អាមេរិក និងការមិនមានជំនឿទៅលើការតម្លើងប្រាក់ឈ្នួលអប្បបរមាដល់កម្មករកាត់ដេរសម្រាប់ឆ្នាំ២០២៤ ខាងមុខ។
Duration:00:10:16
លោក សុខ ឥសាន៖ លេខរៀងចុងក្រោយគេងាយស្រួលគូសសន្លឹកឆ្នោត
5/29/2023
ដូចអាណត្តិមុនដែរ គណបក្សប្រជាជនកម្ពុជា ឈរនៅលេខរៀងចុងក្រោយគេគឺលេខរៀងទី១៨នៅលើសន្លឹកឆ្នោតដែលចាប់ជាផ្លូវការនៅព្រឹកមិញ ក្នុងចំណោមគណបក្សនយោបាយទាំងអស់ចំនួន១៨ដែលចូលរួមបោះឆ្នោត។ លោក សុខ ឥសាន អ្នកនាំពាក្យគណបក្សនេះ យល់ថា លេខរៀងចុងក្រោយគេងាយស្រួលគូសសន្លឹកឆ្នោត ហើយសង្ឃឹមឈ្នះឆ្នោតភ្លូកទឹកភ្លូកដី។
Duration:00:05:53
លោក ម៉ម សូណង់ដូ៖លេខរៀងទី១ជាប្រផ្នូល្អ
5/29/2023
គណបក្សសំបុកឃ្មុំសង្គមប្រជាធិបតេយ្យរបស់លោក ម៉ម សូណង់ដូ មានលេខរៀងទី១នៅលើសន្លឹកឆ្នោតដែលចាប់ជាផ្លូវការនៅព្រឹកមិញ ក្នុងចំណោមគណបក្សនយោបាយទាំងអស់ចំនួន១៨ដែលចូលរួមបោះឆ្នោត។ លោក ម៉ម សូណង់ដូ ប្រធានគណបក្សនេះ យល់ថា លេខរៀងទី១ជាប្រផ្នូល្អ ទោះជាលោកមិនហ៊ានរំពឹងថាទទួលកៅអីតំណាងរាស្ត្រដែរឬអត់នោះ។
Duration:00:05:46
លោក អ៊ុំ រីណា៖ កសិករអាចប្រឈមនឹងកង្វះទឹកភ្លៀងសម្រាប់ធ្វើស្រែ ដោយសារទឹកភ្លៀងមានតិចតួច
5/28/2023
ប្រជាកសិករអាចនឹងប្រឈមនឹងបញ្ហាកង្វះទឹកភ្លៀងសម្រាប់ធ្វើស្រែចម្ការ នៅក្នុងឆ្នាំនេះ ដោយសារតែទឹកភ្លៀងធ្លាក់មិនមានភាពរាយប៉ាយល្អ។ នេះបើតាមការបញ្ជាក់របស់លោក អ៊ុំ រីណា ប្រធាននាយកដ្ឋានឧតុនិយមនៃក្រសួងធនធានទឹក និងឧតុនិយម។ បើតាមលោក អ៊ុំ រីណា បញ្ហាកង្វះទឹកភ្លៀងនៅក្នុងឆ្នាំនេះ គឺដោយសារតែកម្ពុជារងឥទ្ធិពលអែលនីណូ ដែលមានសភាពក្តៅច្រើន នៅក្នុងឆ្នាំនេះ។
Duration:00:07:43
លោក សំ គន្ធាមី៖ ទោះអវត្តមានគណបក្សភ្លើងទៀនតែអង្គការនិកហ្វិកនៅតែចូលរួមសង្កេតការណ៍បោះឆ្នោត
5/26/2023
គណៈកម្មាធិការអព្យាក្រឹត និងយុត្តិធម៌ដើម្បីការបោះឆ្នោតដោយសេរី និងត្រឹមត្រូវនៅកម្ពុជា ហៅកាត់ថា(និកហ្វិក) បានអះអាងនៅថ្ងៃនេះថា អង្គការឃ្លាំមើលការបោះឆ្នោតមួយនេះ នឹងចូលរួមសង្កេតការណ៍ការបោះឆ្នោតជ្រើសតាំងតំណាងរាស្ត្រនីតិកាលទី៧ ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ខាងមុខ។ លោក សំ គន្ធាមី នាយកប្រតិបត្តិអង្គការនិកហ្វិក បានបញ្ជាក់ថាលោកនឹងដាក់ពាក្យទៅគណៈកម្មាធិការជាតិរៀបចំការបោះឆ្នោត(គ.ជ.ប) ក្នុងពេលឆាប់ៗនេះ ដើម្បីស្នើសុំចូលរួមសង្កេតការណ៍ ដោយមានអ្នកស្ម័គ្រចិត្តប្រមាណជា៣០នាក់។ លោកថា ទោះជាគណបក្សភ្លើងទៀនមិនបានចូលរួមក្តី ក៏ប៉ុន្តែនិកហ្វិកនៅតែបន្តលើកស្ទួយលទ្ធិប្រជាធិបតេយ្យសេរីពហុបក្ស ដោយធ្វើការសង្កេតការណ៍ដំណើរការបោះឆ្នោតទៅតាមលទ្ធភាព និងដោយឯករាជ្យ តែមិនធ្វើការវាយតម្លៃលទ្ធផលឆ្នោតនោះទេ។ មិនវាយតម្លៃលទ្ធផលឆ្នោត ក៏ព្រោះតែនិកហ្វិកមានអ្នកសង្កេតការណ៍មិនគ្រប់គ្រាន់។
Duration:00:08:37
លោក យី វាសនា៖ យន្តការរបស់ស៊ីហ្គេមលើកទី៣២ ត្រូវយកមកប្រើប្រាស់ទាំងស្រុងសម្រាប់អាស៊ានប៉ារ៉ាហ្គេមលើកទី១២
5/23/2023
ការប្រកួតកីឡាអាស៊ានប៉ារ៉ាហ្គេមលើកទី១២ ដែលធ្វើឡើងនៅកម្ពុជា នឹងត្រូវចាប់ផ្តើមចាប់ពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ដោយមានប្រតិភូកីឡាជនពិការចូលរួមប្រមាណជា២ពាន់នាក់ មកពី ប្រជាជាតិអាស៊ីអាគ្នេយ៍ទាំង១១ប្រទេស។ លោក យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា និងជាអគ្គលេខាធិការរងគណៈកម្មាធិការជាតិរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ បានថ្លែងឲ្យដឹងថា កម្ពុជាបានត្រៀមលក្ខណៈរួចរាល់ជាយូរមកហើយ ដោយហេដ្ឋារចនាសម្ព័ន្ធ ធនធានមនុស្ស និងការចាត់ចែងដឹកនាំផ្សេងៗ គឺប្រើប្រាស់យន្តការតែមួយ ដែលបន្សល់ទុកពីការប្រកួតកីឡាស៊ីហ្គេមលើកទី៣២ ដែលទើបបញ្ចប់ទៅកាលពីពេលថ្មីៗនេះ។ ទោះយ៉ាងណាលោក យីវាសនា បញ្ជាក់ថាគណៈកម្មការរៀបចំកំពុងញាប់ដៃញាប់ជើងជួសជុល កែសម្រួលកន្លែងស្នាក់នៅ ឬភូមិកីឡាសម្រាប់ទទួលកីឡាករ កីឡាការិនីជនពិការចម្រុះជាតិសាសន៍។
Duration:00:12:44
បណ្ឌិត សុខ ទូច៖ កម្ពុជានឹងខាតបង់ បើយល់ព្រមបើកច្រកប្រាសាទព្រះវិហារឡើងវិញ
5/22/2023
កម្ពុជានឹងខាតបង់ផលប្រយោជន៍ទាំងផ្នែកទេសចរណ៍ និងផ្នែកនយោបាយ ប្រសិនបើកម្ពុជាយល់ព្រមបើកច្រកប្រាសាទព្រះវិហារឡើងវិញទៅតាមការចង់បានរបស់ភាគីថៃ។ នេះជាការយល់ឃើញរបស់លោកបណ្ឌិត សុខ ទូច។ បើតាមប្រធានរាជ្យបណ្ឌិតសភាកម្ពុជា ការដែលថៃចង់ឲ្យបើកច្រកប្រាសាទព្រះវិហារឡើងវិញក្រោមលេសទេសចរណ៍ អាចជារឿងនយោបាយ បន្ទាប់ពីក្រុមយោធាចាញ់ឆ្នោតក្រុមប្រឆាំងនៅថៃ។
Duration:00:08:54
លោក យ៉ង់ គឹមអេង៖ គណបក្សនយោបាយគួរដាក់របៀបវារៈដំឡើងពន្ធគ្រឿងស្រវឹង ដើម្បីទាក់ទាញសំឡេងគាំទ្រ
5/21/2023
យ៉ាងហោចណាស់ មានគណបក្សនយោបាយជាង១០បានប្តេជ្ញាចិត្តចំពោះការរៀបចំគោលនយោបាយដំឡើងពន្ធអាករពិសេសលើស្រាបៀរ និងសុរា នៅចំពោះមុខនៃការបោះឆ្នោតថ្នាក់ជាតិជិតចូលមកដល់។ ការប្តេជ្ញាចិត្តធ្វើឡើងតាមរយៈកិច្ចពិភាក្សាមួយរបស់មជ្ឈមណ្ឌលប្រជាពលរដ្ឋដើម្បីអភិវឌ្ឍន៍និងសន្តិភាព ជាមួយនឹងគណបក្សនយោបាយ កាលពីថ្ងៃព្រហស្បតិ៍។ លោក យ៉ង់ គឹមអេង ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍និងសន្តិភាព យល់ថា នេះជាពេលវេលា ដែលគណបក្សនយោបាយគួរលើកបញ្ហាគ្រឿងស្រវឹង មកធ្វើជាគោលនយោបាយ ខណៈដែលពុំធ្លាប់ធ្វើពីមុន។ បើតាមលោក យ៉ង់ គឹមអេង គណបក្សនយោបាយគួរដាក់របៀបវារៈដំឡើងពន្ធគ្រឿងស្រវឹង ដើម្បីទាក់ទាញសំឡេងគាំទ្រពីពលរដ្ឋ។
Duration:00:09:28
លោក គីមសួរ ភីរិទ្ធ៖យើងសង្ឃឹមថា ក្រុមប្រឹក្សាធម្មនុញ្ញឲ្យគណបក្សភ្លើងទៀនចូលរួមការបោះឆ្នោត
5/20/2023
គណបក្សភ្លើងទៀនសំដែងក្តីសង្ឃឹមថា ក្រុមប្រឹក្សាធម្មនុញ្ញនឹងអនុញ្ញាតឲ្យគណបក្សភ្លើងទៀនចូលរួមការបោះឆ្នោតនៅថ្ងៃទី២៣កក្កដាខាងមុខ។ ក្តីសង្ឃឹមនៅនាទីចុងក្រោយបែបនេះគឺបន្ទាប់ពីគណបក្សនេះបានដាក់ពាក្យបណ្តឹងទៅកាន់ស្ថានប័នជាតិ កំពូលមួយនេះ កាលពីម្សិលមិញ ជំទាស់នឹងសេចក្តីសម្រេចរបស់គណៈកម្មាធិការជាតិរៀបចំការបោះឆ្នោតគជប។
Duration:00:09:28
លោក ហ៊ាង សុទ្ធាយុត្តិ៖ តាមរបាយការណ៍ គម្រោងព្រែកជីកនេះនឹងធ្វើឲ្យកម្ពុជាចំណេញផ្នែកសេដ្ឋកិច្ចពី២០ទៅ៣១%
5/19/2023
គណៈរដ្ឋមន្ត្រីកម្ពុជា នៅថ្ងៃសុក្រនេះបានសម្រេចអនុម័ត និងផ្ដល់អនុសាសន៍ណែនាំមួយចំនួនបន្ថែមលើ «របាយការណ៍ស្តីពីកិច្ចប្រជុំរបស់គណៈកម្មការអន្តរក្រសួងដើម្បីសិក្សា និងអនុវត្តគម្រោងផ្លូវនាវាចរណ៍ និងប្រព័ន្ធភស្ដុភារកម្មទន្លេបាសាក់» ដោយដាក់ឈ្មោះថា«គម្រោងព្រែកជីកហ្វូណនតេជោ»។ លោក ហ៊ាង សុទ្ធាយុត្តិ អគ្គនាយកបច្ចេកវិទ្យា និងទំនាក់ទំនងសាធារណៈ និងជាអ្នកនាំពាក្យក្រសួងសាធារណការ និងដឹកជញ្ជូនបានថ្លែងឲ្យដឹងថាការបង្កើតឲ្យមានគម្រោងព្រែកជីកដែលមានប្រវែង ១៨០គីឡូម៉ែត្រពីភ្នំពេញទៅកំពតនេះ នឹងធ្វើឲ្យកម្ពុជាចំណេញផ្នែកសេដ្ឋកិច្ចពី២០ ទៅ៣១% ពោលគឺចំណេញពេលវេលា ចំណាយតិច និងមាននីតិវិធីងាយស្រួល។ លោក ហ៊ាង សុទ្ធាយុត្តិ បន្ថែមថាគម្រោងដឹកជញ្ជូនតាមផ្លូវទឹកនេះ នឹងជួយបង្កើតឲ្យមានតំបន់ភស្តុភាកម្មនៅតាមដងព្រែកជីក បង្កើនការងារដល់ពលរដ្ឋ ជួយរក្សាស្ថិរភាពទឹកនៅរដូវប្រាំង និងរដូវវស្សាផងដែរ។
Duration:00:11:24
បណ្ឌិត គី សេរីវឌ្ឍន៍៖ ផលប្រយោជន៍នៃការរៀបចំស៊ីហ្គេម នឹងជួយឲ្យកម្ពុជាទទួលបានទេសចរបរទេសច្រើនបន្ថែមទៀត
5/18/2023
ការប្រកួតកីឡាស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះទើបតែបញ្ចប់ទៅកាលពីថ្ងៃពុធម្សិលមិញ ដោយព្រឹត្តិការណ៍នេះ ត្រូវបានវាយតម្លៃជាទូទៅថាទទួលបានជោគជ័យដ៏ធំធេង ជាពិសេសទៅលើការអភិវឌ្ឍន៍វិស័យកីឡា និងជាការទាក់ទាញឲ្យពិភពលោកស្គាល់កម្ពុជាកាន់តែខ្លាំង។ លោកបណ្ឌិត គី សេរីវឌ្ឍន៍ ប្រធានវិទ្យាស្ថានសិក្សាចិន និងជាអ្នកជំនាញសេដ្ឋកិច្ចនៃរាជបណ្ឌិតសភាកម្ពុជាមានជំនឿថាព្រឹត្តិការណ៍នៃការរៀបចំស៊ីហ្គេមនៅកម្ពុជានឹងនាំមកនូវកំណើនទេសចរបរទេសច្រើនបន្ថែមទៀតចូលមកទស្សនាប្រទេសកម្ពុជា។ ក៏ប៉ន្តែតាមលោកបណ្ឌិត គី សេរីវឌ្ឍន៍ កម្ពុជាត្រូវការធ្វើពិពិធកម្មទេសចរណ៍បន្ថែមទៀតដែរ ដើម្បីចៀសវាងនូវភាពដដែលៗ។
Duration:00:10:14
លោក សឹង សែនករុណា៖ ការបំពានសិទ្ធនយោបាយតែងតែកើនឡើងនៅរៀងរាល់ឆ្នាំបោះឆ្នោត
5/18/2023
ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោក សឹង សែនករុណា អ្នកនាំពាក្យសមាគមការពារសិទ្ធិមនុស្សអាដហុក។ នៅថ្ងៃនេះ អាដហុក បានចេញផ្សាយនូវរបាយការណ៍ស្តីពីស្ថានភាពសិទ្ធិមនុស្សប្រចាំឆ្នាំ២០២២ ដោយរកឃើញ ករណីរំលោភបំពានសិទ្ធិមនុស្ស កាន់តែធ្ងន់ធ្ងរ លើសពីឆ្នាំកន្លងៗទៅ។ លោក សឹង សែនករុណា ថានេះជាក្តីបារម្ភដែលការរំលោភសិទ្ធិមនុស្សនៅតែកើនឡើងគួរឲ្យកត់សម្គាល់។ អ្វីដែលគួរឲ្យកត់សម្គាល់នោះ គឺការបំពានផ្នែកសិទ្ធិនយោបាយបានកើនឡើងជាលំដាប់ ជាពិសេសនៅរៀងរាល់ឆ្នាំដែលកម្ពុជារៀបចំការបោះឆ្នោត។
Duration:00:13:49
លោក វ៉ាត់ ចំរើន៖ កម្ពុជាបានឈ្នះមេដាយមាសលើសពីការគ្រោងទុក និងអាចឈរចំណាត់ថ្នាក់ទី៤
5/15/2023
ការប្រកួតកីឡាស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះ នឹងត្រូវបញ្ចប់នៅថ្ងៃទី១៦ ខែឧសភាខាងមុខ ខណៈកម្មវិធីបិទកីឡាស៊ីហ្គេមផ្លូវការនៅកម្ពុជានឹងត្រូវធ្វើឡើងនៅថ្ងៃទី១៧ ខែឧសភា។ លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួកីឡាអាស៊ីអាគ្នេយ៍លើកទី៣២ ឆ្នាំ២០២៣(CAMSOC) បានវាយតម្លៃបឋមថាកម្ពុជាទទួលបានលទ្ធផលល្អលើសពីការគ្រោងទុក។ តាមគម្រោងកម្ពុជារំពឹងថានឹងឈ្នះមេដាយមាសពី៥០ ទៅ៦០មេដាយ។ ក៏ប៉ុន្តែពេលនេះ កម្ពុជាបានឈ្នះមាសដល់ទៅជាង៦០មេដាយ។ លោក វ៉ាត់ ចំរើន បានរំពឹងថាបើកម្ពុជាអាចឈ្នះមេដាយមាសបន្ថែមស្មើ ឬលើសឥណ្ឌូនេស៊ី នោះកម្ពុជានឹងបញ្ចប់ទៅដោយចំណាត់ថ្នាក់លេខ៣ នៃការប្រកួតកីឡាស៊ីហ្គេមលើកទី៣២នេះ ជាប្រវត្តិសាស្ត្រ។
Duration:00:12:30
លោក វ៉ាត់ ចំរើន៖ កម្ពុជាបានឈ្នះមេដាយមាសលើសពីការគ្រោងទុក និងអាចឈរចំណាត់ថ្នាក់ទី៤
5/15/2023
ការប្រកួតកីឡាស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះ នឹងត្រូវបញ្ចប់នៅថ្ងៃទី១៦ ខែឧសភាខាងមុខ ខណៈកម្មវិធីបិទកីឡាស៊ីហ្គេមផ្លូវការនៅកម្ពុជានឹងត្រូវធ្វើឡើងនៅថ្ងៃទី១៧ ខែឧសភា។ លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួកីឡាអាស៊ីអាគ្នេយ៍លើកទី៣២ ឆ្នាំ២០២៣(CAMSOC) បានវាយតម្លៃបឋមថាកម្ពុជាទទួលបានលទ្ធផលល្អលើសពីការគ្រោងទុក។ តាមគម្រោងកម្ពុជារំពឹងថានឹងឈ្នះមេដាយមាសពី៥០ ទៅ៦០មេដាយ។ ក៏ប៉ុន្តែពេលនេះ កម្ពុជាបានឈ្នះមាសដល់ទៅជាង៦០មេដាយ។ លោក វ៉ាត់ ចំរើន បានរំពឹងថាបើកម្ពុជាអាចឈ្នះមេដាយមាសបន្ថែមស្មើ ឬលើសឥណ្ឌូនេស៊ី នោះកម្ពុជានឹងបញ្ចប់ទៅដោយចំណាត់ថ្នាក់លេខ៣ នៃការប្រកួតកីឡាស៊ីហ្គេមលើកទី៣២នេះ ជាប្រវត្តិសាស្ត្រ។
Duration:00:12:30