Kalam Falsfa talk philosophy-logo

Kalam Falsfa talk philosophy

45 Favorites

More Information

Episodes

EP40: The Ontological Argument الحُجّة الوجودية

8/13/2017
More
الحُجّة الوجودية هى الحجة الاخيرة اللى هنقدمها فى مناقشتنا على وجود الله، واللى بتعتمد فى الاساس على علم الوجود (ارجع لسلسة ماوراء الطبيعة لو عاوز تعرف اكتر عن علم الوجود). الجدليات والحجج اللى بتصنف على انها وجودية فى العادة بتجادل من حالة الوجود او الكينونة. بصورة ادق الحجة الوجودية بتبدأ من نظرية بديهية عن حالة النظام فى الكون. وبتحاول تقول ان لو حالة النظام والتركيب المنظم فى الكون صحيحة، هتقدم اسباب كافية على وجود الله. جذور الجدلية من الممكن تتبعها بوضوح فى الفلسفة الاغريقية، فى...

Duration: 01:38:24


EP39: The Teleological Argument الحُجّة الغائية

5/26/2017
More
الحُجة الغائية جدلية تجريبية على وجود الله، عادة ما بتعتمد على تحديد سمات وخواص تجريبية فى الكون من الممكن انها تشكل دليل على وجود تصميم ذكى، بيتطلب وجود عميل عاقل، ذكى، قادر. وبيتسدل على الله كأفضل تفسير منطقى للسمات والخواص دى. عائلة الحجج دى بتكتسب اسمها من الغاية او الهدف اللى بيعد احد اهم السمات المرتبطة بفكرة التصميم، المدفوع عادة بهدف او غاية ما قصدها المصمم. التطبيق الاستقرائى للتصميم بيفترض سلفاً ان هناك سبب للأعتقاد فى وجود عميل ذكى! التطبيق بيساعدنا اننا نفرق بين ايه اللى العميل...

Duration: 01:37:23


EP38: The Cosmological Argument الحُجّة الكونية

3/21/2017
More
الحُجّة الكونية، حُجّة منطقية. بتستخدم نمط منطقى عام بيعتمد على بعض الوقائع والحقائق المحددة عن الكون لأثبات وجود كائن فريد من نوعه، بيشار اليه بشكل عام ب الله! من ضمن الحقائق الاولية المحددة ان الاحداث والكائنات المعينة فى الكون مشروطة او طارئة الوجود، وان الكون كمجموع الكائنات والاحداث الطارئة مشروط او طارئ الوجود ايضا اى ان من الممكن ان الكون كان على صورة اخرى او ماكنش له وجود بالمرة. أو ان الكون بدأ فى الوجود، أو ان المتسلسلات المشروطة المتتابعة قد يكون لها تفسير، من الحقائق دى...

Duration: 02:01:58


EP37: The Problem of Divine Nature أشكالية الطبيعة الألهية

1/1/2017
More
قضية طبيعة الموجود الاعلى واحدة من القضايا المحورية العابرة للأديان المتعددة والحقبات التاريخية، تشارك في محاولة فهمها الفلاسفة واللاهوتين الاغريق الهندوس، البوذيين، اليهود، المسيحين، والمسلمين، وغيرهم من اصحاب الاعتقادات الدينية المختلفة عبر العصور! والحاجة اليها مش راجعة فقط لمحاولة فهم النصوص الدينية المقدسة، لكن لمحاولة فهم طبيعة الموجود الاعلى. الفلاسفة واللاهوتين الاوائل اللى أتعرضوا لأشكالية سمات وصفات الموجود الاعلى فى الديانات التوحيدية التقليدية واجهوا العديد من الصعوبات...

Duration: 01:44:42


EP36: The Problem of Religious Diversity أشكالية التعددية الدينية

11/14/2016
More
الاديان كل الاديان بتقدم ادعائات حقيقة! ادعائات حقيقة عن قضايا اساسية بالنسبة للوجود البشرى، طبيعة الكون، الحياة الموت، الخ .. وزى ما شفنا فى طرق مختلفة لفهم ومحاولة التوفيق بين ادعائات الحقيقة المختلفة اللى بتقدمها الاديان المختلفة! البعض بيشوف ان كل الادعائات الدينية خاطئة زى الملحدين ، البعض الاخر بيشوف ان من المستحيل اننا نتأكد ان كانت الادعائات دى صحيحة او خاطئة زى اللادينين ، والبعض بيشوف ان كل دين له حقيقتة الخاصة بيه، لكن مافيش حقيقة كونية مجردة او نهائية زى النظرية النسبية ،...

Duration: 01:31:46


EP35: The Problem of Truth أشكالية الحقيقة

8/27/2016
More
أيه هى طبيعة الحقيقة؟ .. من الراجح ان الحقيقة هى نتاج التفكير المنطقى السليم، هى هدف البحث العلمى، والدراسة التاريخية، والتدقيق فى العمل. احنا بنفهم المقصود بالجملة عن طريق فهم الشروط اللى تحت تأثيرها اللى بتعبر عنه الجملة بيكون صحيح. لكن البحث فى طبيعة الحقيقة بيتجاوز حدود التبسيط ده لجوهر الحقيقة نفسها! الأشكالية الاساسية والمحورية فى الفلسفة بشكل عام وفلسفة ماوراء الطبيعة بشكل خاص، هى ايه هو جوهر حقيقة الاشياء؟ هل الحقيقة خاصية للكائنات اللغوية زى الجمل ؟ ولا هل الحقيقة خاصية للفرضيات...

Duration: 01:29:09


EP34: The Problem of Existence in Islamic Philosophy أشكالية الوجود فى الفلسفة الاسلامية

7/2/2016
More
مشكلة الوجود أصيلة فى الفلسفة الاسلامية، وبترجع جذورها لبدايات علم الكلام، السؤال المطروح كان ما هو مصدر الوجود؟ هل القوة الفاعلة أو المسببة للكون داخلية نابعة منه، ولا خارجة عنه؟! الاجماع الغالب ما بين المفكرين والفلاسفة العرب ان الوجود علته خارجة عنة، وهى المسبب الاول .. الله. النهج المخالف للرؤية الارسطوطالية اللى بتقول ان العالم قديم و غير مخلوق، وأن الله مجرد محرك للكون تجاة غاية وهدف. أو الرؤية الافلاطونية اللى شافت أن الله منظم للكون لكنه مش المسبب الاول للوجود لان مادة الوجود قديمة...

Duration: 01:32:14


EP33: The Problem of Causation أشكالية السببية

4/16/2016
More
الاحداث ما بتحصلش عفوياً أو عشوائياً، كل شئ بيحصل نتيجة مسبب ما، على الاقل دى الفكرة البديهية عند معظمنا. الكباية المكسورة على الارض ما وقعتش لوحدها من فوق المكتب، أو الجهاز اللى بتسمع علية البرنامج دلوقتى ما شغلش البرنامج لوحدة! ما فيش أحداث عشوائية! كل حدث له تفسير، تفسير سببى. ويمكن هو ده السبب اللى دفع الفيلسوف الانجليزى ديفيد هيوم يطلق على فكرة السببية "أسمنت الكون" الاسمنت اللى بيربط كل الاحداث، والحقائق ببعضها، من غيرها كل شئ هيبدو بدون تفسير، أو هدف! لو بحثنا عن تفسير كامل لطبيعة...

Duration: 01:12:05


EP32: Modality: The Problem of Fictional Worlds المشروطية: أشكالية العوالم الخيالية

2/8/2016
More
أشكالية المشروطية بتعبر عن نسق او شكل الكينونة بالاضافة لنسق او شكل الحقيقة، الاشكالية تاريخها طويل بيمتد لعصور فلاسفة الاغريق عبرالزمن الفلاسفة فرقوا ما بين أنواع مختلفة للمشروطية (منطقية، مياتفيزيقية، طبيعية، زمنية، معرفية، الخ) وتعاملوا مع النُسق والاشكال المختلفة دى بشكل رسمى و فلسفى. فى رحلتنا أتعرضنا لمجموعة من الطرق المختلفة اللى حاول بيها فلاسفة ماوراء الطبيعة التعامل مع الاشكالية، من ناحية الادعائات المشروطية اللى بتحاول تفهم جوهر حقيقة ادعائات الامكان، الضرورة، والشرطية عن طريق...

Duration: 01:13:50


EP31: Modality: The problem of possible worlds المشروطية: أشكالية العوالم الممكنة

1/20/2016
More
الادعائات المشروطية ما بتقدمش اى حقائق عن اللى بيحصل فى الواقع، او طبيعة الكائنات لكنها بتقدم تمثيل لفكرة الامكانية و الضرورة او بمعنى اخر بتركز على الجائز و المستحيل، الضرورى و المشروط. أحنا بنستخدم مفهوم الامكانية والضرورة كل يوم فى حياتنا، المفاهيم الاساسية دى مكون اساسى فى كتير من الادعائات الميتافيزيقية. لكن مش واضح ايه معنى الادعائات اللى بتحتوى على المفاهيم دى، وفى اى ضوء من الممكن انها تكون صواب او خطأ! الادعائات المشروطية دى ما بتقدمش اى حقائق عن طبيعة الاشياء! ازاى من الممكن انها...

Duration: 00:45:17


EP30: Persistence through Change الأستمرارية خلال التغير

12/29/2015
More
التغير مركب أساسى فى تجربتنا الحياتية، بيتعدى حدود الدراسة والتحليل! وبيختبر ابسط مفاهمنا عن الحياة! واحدة من أكثر الاشكاليات المحيرة المتعلقة بفكرة التغير هى فكرة الاتساق، ازاى من الممكن ان شئ واحد يحتوى على خواص متناقضة ويفضل نفس الشئ! بعض الفلاسفة شاف ان التغير عملية متسقة بسبب وجود الوقت كعامل اساسى فى عملية التغير، والبعض الاخر من الفلاسفة شاف ان الطريقة الوحيدة اللى ممكن نفهم بيها الوقت هو انه عملية غير متسقة! أشكالية استمرار الهوية عبر الزمن لغز فلسفى معقد وصفة مرة الفيلسوف وعالم...

Duration: 01:32:24


EP29: The Problem of Time أشكالية الوقت

11/9/2015
More
الوقت معيار الوجود، والبعد الرابع للواقع! لكنه مازال لغز محير الفلاسفة بالرغم من الفين وخمسمائة سنة من البحث والتفكير فى طبيعته! الاشكاليات المتعلقة بطبيعة الوقت كتير، متشابكة ومعقدة! معظمها بدون اجابة شافية لحد النهاردة! سواء عن طبيعة الوقت نفسة، مصدرة، او ان كان الماضى والمستقبل لهم وجود زى الحاضر، اشكالية الفرق الانطولوجى ما بين الماضى، الحاضر، والمستقبل كانت ومازالت سبب خلاف وانقسام ما بين فلاسفة الوقت، مابين حضوريين، ابديين، ومنكريين للماضى او المستقبل! العلماء والفلاسفة قبل القرن...

Duration: 01:39:41


EP28: The Problem of Material Objects أشكالية الكائنات المادية

9/14/2015
More
كل لحظة بنتفاعل فيها مع العالم المادى بنحتك بمجموعة كبيرة من الكائنات المادية، بنى ادمين، حيوانات، طيور، نباتات، جماد، الخ .. الكائنات المادية دى يبدو انها بسيطة ومن السهل استيعاب ماهيتها مقارنة بالكائنات المجردة زى الارقام، النظريات، الخواص، او اللحظات الزمنية! لكن فى الواقع الدراسة المتأنية للكائنات المادية هتقودنا لنتيجة مخيفة وهى انها أشكالية فى طبيعتها على نفس درجة الكائنات المجردة ان ماكنتش اكثر تعقيداً! والنظريات المطروحة لمحاولة فهم ماهيتها بتفتح الباب لنماذج وجودية عجيبة، احيانا...

Duration: 01:25:39


EP27: The Nature of Abstract Entities طبيعة الكائنات المجردة

6/24/2015
More
الفلاسفة كانوا ومازلوا بيحاولوا فهم طبيعة الاختلاف بين الموجودات المجردة و المادية. الكائنات المادية عادة ما بتتسم بخواص من الممكن ملاحظتها زى الشكل ،الحجم ، اللون ، والرائحة، انما الموجودات المجردة زى الارقام يبدو انها بتفتقد للخواص دى! بالاضافة لان الكائنات المادية لها خواص مكانية و زمانية. ده غير ان ليها تأثير سببي على الاشياء المحيطة بيها، فى حين ان الكائنات المجردة بتفتقد لمعظم الخواص دى! ياترى الكائنات المجردة ليها نوع من الوجود؟ .. حتى لو كان وجود متعالى خارج اطار المكان والزمان! .....

Duration: 01:28:52


EP26: The Nonexistent Problem أشكالية عدم الوجود

5/13/2015
More
الوجود واحد من المفاهيم الاساسية فى فلسفة ماوراء الطبيعة، وفى نفس الوقت واحد من أصعب المفاهيم الفلسفية. كم هائل من التحليل الميتافيزيقي المتراكم عبر العصور ركز على انواع الكائنات اللى ممكن نتعرف عليها كجزء أساسى من الواقع المحيط بينا. كلمة الواقع نفسها من الممكن فهمها على انها "مجموع كل ما يوجود"، علشان كده فيلسوف ماوراء الطبيعة لازم يفهم الاول يعنى ايه وجود قبل ما يبحث عن الموجودات! الجمل الوجودية الايجابية زى "الألكترون له وجود" من السهل أستيعاب مضمونها والتزامتها الوجودية، الأشكالية...

Duration: 02:59:58


EP 24: Ethics in Islamic Philosophy الأخلاق فى الفلسفة الأسلامية

2/17/2015
More
فكر فى لحظات الحزن اللى مرت عليك فى الماضى .. هل ياترى الحزن شر مدفوع؟ .. وهل السعادة هى غاية الخير الجوهرية؟ .. وهل فعلا الأخلاق مجرد طباع وجزء من فطرة البشر؟ ..لو فعلا الفطرة هى العامل الاساسى وراء أفعالنا الاخلاقية، أزاى ممكن ندفع الفساد فى الارض؟ .. وازاى ممكن نحاسب البشر على فطرتهم؟ .. ومش جايز يكون هو ده سر الحياة، صراع دائم بين العقل والفطرة المشكلة الأخلاقية حظت بأهتمام ضئيل فى الفلسفة الاسلامية، لان فلاسفة الاسلام كانوا مشغولين بقضايا ميتافيزيقية وجودية أو معرفية. وكتير من...

Duration: 01:57:37


EP23: Ethics of Care أخلاق الرعاية

1/23/2015
More
النظرية الاخلاقية المعروفة بأسم أخلاق الرعاية بتقدم أطروحة ان فى قيمة أخلاقية ما فى العنصر الاساسى للعلاقات الاجتماعية في حياة البشر. بشكل تنظيمي، أخلاق الرعاية بتحاول تحافظ على العلاقات الاجتماعية عن طريق دعم وتقويم مُقدمى الرعاية ومُستقبلي الرعاية فى شبكة العلاقات الاجتماعية. عادة فضيلة الرعاية بتشمل فكرة تلبية احتياجاتنا واحتياجات الاخرين. وبتبنى على دافع رعاية الاخرين الاضعف او المحتاجين لينا فكر فى القرارات الاخلاقية اللى بتاخدها كل يوم فى حياتك وبتتعلق بانسان عزيز عليك! ... هل علاقتة...

Duration: 02:22:57


EP22: Utilitarianism أخلاق المنفعة

12/20/2014
More
أخلاق المنفعة فكرة بسيطة بتقول ان قيمة الفعل الأخلاقية بتتحدد بس بُناء على المنفعة العامة اللى بيساهم بيها الفعل فى تعظيم السعادة أو المتعة لأكبر عدد ممكن من الناس! المنفعة الكلية هنا هى جوهر الفعل الأخلاقى، أكبر قدر ممكن من السعادة لأكبر عدد ممكن من الناس! المنفعة اللى اتسمت النظرية بيها، هى مقياس أقتصادى للأشباع النسبى ، او الرغبة فى أستهلاك السلع، وعشان كده نقدر نقول ان أخلاق المنفعة منهج كمى أختزالى للأخلاق. أخلاق المنفعة بدأت من فكرة أساسية وهى ان السعادة او المتعة قيمة جوهرية وان اى...

Duration: 02:42:57


EP21: Deontology 2 أخلاق الواجب

10/25/2014
More
نظرية أخلاق الواجب بتفترض ان فى خواص مميزة فى القاعدة الاخلاقية نفسها بتديها القوة الالزامية اللى بتفرضها علينا كبشر، القوة الالزامية دى ممكن يكون مصدرها العقل والمنطق زى ما ايمانيول كانط تصور فى نظرية الضرورة الحتمية، او ممكن يكون مصدرها سماوى خارق للطبيعة طبقا لنظرية الامر الالهى، او مصدرها الهروب من الطبيعة الاولى للبشر زى ما توماس هوبز تصور فى نظرية الحقوق الطبيعية،او يمكن يكون مصدرها مجرد عقد اجتماعى بنصيغة لحظة تكوين المجتمع، او مجرد مجموعة من التوجيهات الاساسية اللى بيفرضها علينا...

Duration: 02:44:44


EP20: Deontology 1 أخلاق الواجب

9/8/2014
More
فكر فى المرات اللى اضطرت تكدب فيها عشان تغطى على صاحبك فى الفصل، او اخوك فى البيت، او يمكن زميلك فى الشغل .. او المرات اللى اضطريت تخلف فيها بوعد عشان مصلحة شخصية .. او المرات اللى زوغت فيها من دفع تذكرة المترو او الاتوبيس .. ياترى الالتزام بالواجب الاخلاقى شئ ممكن دايما تحت كل الظروف؟ ... ولو كانت نتيجة الالتزام بالواجب الاخلاقى ده مضرة ليك .. هل بيصبح وقتها ضرورى؟ .. ولو ماكنش الالتزام ده ضرورى، ياترى هيكون ايه حال العالم اللى بنعيش فيه لو كل الناس اتصرفت زيك؟! ... وهل فعلا الواجبات...

Duration: 02:18:53

See More