MSTDFR-logo

MSTDFR

Entertainment >

A weekly podcast of Middle Eastern geeks talking about random things every week, we have no agendas and we are not trying to save the world. Hosts: Ammar Sabban (@Sabban31) Rami Taibah (@Rtaibah)

A weekly podcast of Middle Eastern geeks talking about random things every week, we have no agendas and we are not trying to save the world. Hosts: Ammar Sabban (@Sabban31) Rami Taibah (@Rtaibah)
More Information

Location:

Saudi Arabia

Description:

A weekly podcast of Middle Eastern geeks talking about random things every week, we have no agendas and we are not trying to save the world. Hosts: Ammar Sabban (@Sabban31) Rami Taibah (@Rtaibah)

Twitter:

@mstdfr

Language:

English


Episodes

#111: روح وناولني المدفع يا عمار

11/4/2018
More
اليوم حلقتنا خاصة جداً… حلقة عمار كان كان بيحاول يسويها له سنين وأخيراً نجح في إنه يسجلها. اليوم ولأول مرة عمار قدر يقعد ويدردش مع والده الدكتور القدير عيدروس بن عبدالله بن سرور الصبان، عضو هيئة التدريس المتقاعد من جامعة الملك عبدالعزيز بجدة قسم الإقتصاد والإدارة. واللي قضى أغلب حياته المهنية في التعليم الجامعي لأكثر من ٣٠ سنة، واليوم جلس معانا وحكانا على حياته كطالب أيام دراسة مرحلة البكلوريوس في جامعة الملك سعود في أواخر الستينات الميلادية، وكمان دردشنا عن بعض الدروس في الحياة والتربية...

Duration:01:06:05

#110: أرجع الدكان... نبي كرتون زبدة

10/27/2018
More
حلقة اليوم هي الجزء الثاني من الحلقة الماضية، قبل ثلاث سنوات لمن بدأنا البودكاست… أتعرفنا على مجموعة شباب من دبي بدأوا هم كمان بودكاست خاص بهم جمع بين الحوار العفوي والموسيقى العصرية، وتوافق أفكارنا وأحلامنا خلتنا نصير أصحاب. وعلى مر السنوات قررنا إننا نستضيف بعض على برامجنا، هم سبقونا في الإستضافة واليوم ربي قدرنا وسافرنا على دبي واستضفناهم. وعشان نعوض التأخير… سجلنا بدل الحلقة حلقتين! صراحة هي حلقة واحدة بس طويلة… فقسمناها إلى حلقتين. معانا اليوم عمر التوم ومحمد عكاوي من بودكاست دكان،...

Duration:01:01:00

#109: أنزل الدكان و جيب لنا دافور

10/21/2018
More
قبل ثلاث سنوات لمن بدأنا البودكاست… أتعرفنا على مجموعة شباب من دبي بدأوا هم كمان بودكاست خاص بهم جمع بين الحوار العفوي والموسيقى العصرية، وتوافق أفكارنا وأحلامنا خلتنا نصير أصحاب. وعلى مر السنوات قررنا إننا نستضيف بعض على برامجنا، هم سبقونا في الإستضافة واليوم ربي قدرنا وسافرنا على دبي واستضفناهم. وعشان نعوض التأخير… سجلنا بدل الحلقة حلقتين! صراحة هي حلقة واحدة بس طويلة… فقسمناها إلى حلقتين. معانا اليوم عمر التوم ومحمد عكاوي من بودكاست دكان، واللي اليوم أتحولوا إلى “دكان ميديا” شركة...

Duration:01:01:00

#108: أنا بطة سوداء وبكل فخر

10/12/2018
More
من العادات السيئة عند بعض الناس انهم يسيبوا واجباتهم لآخر لحظة! لمن يكون عندنا وقت كافي لإنهاء مهمة معينة، ما نستغل الوقت ونخلصها… لأ نسيبها لآخر لحظة وبعدين مع الربشة نحاول نلحق نفسنا. اليوم أتكلمنا عن هذا الموضوع اللي عمار خبرة فيه مع صحابنا المنتج الموسيقي والفنان علي الشريف وخبير الدبلجة والممثل عبدالله رافعة. وأتكلمنا على كيف إننا نحب نشتغل في سكينة الليل مقارنة بالنهار والصحيان في الصباح بدري، واتكلمنا على أنواع المكاتب ومساحات العمل المختلفة من مكاتب مغلقة لمساحات مفتوحة. ودردشنا عن...

Duration:01:01:00

Bonus 002: Kerning Cultures - Open Sesame

9/30/2018
More
حلقة اليوم هي حلقة هدية من أصدقائنا في بودكاست “كيرنج كلتشرز” واللي كان ضيف معاهم فيها عمار الصبان. وأتكلموا في هذه الحلقة عن برنامج افتح ياسمسم وتأثيره التعليمي على الشرق الأوسط. الحلقة باللغة الإنجليزية لأن البودكاست موجه للجمهور في بقية العالم والهدف منه تعريفهم بالثقافات العربية عن طريق سرد قصص من المجتمع العربي باللغة الإنجليزية. وممكن تتابعوا برنامجهم على الرابط التالي: https://soundcloud.com/kerning-cultures In 1979, Iftah Ya Simsim - the Arabic version of Sesame Street - aired for...

Duration:00:46:45

#107: تعرفوا ليش إنتم مو أغنياء؟

9/23/2018
More
الإستقلال المادي حلم يتمناه أي إنسان، ومن أكبر نعم الله على أي شخص إنه تكون عنده أو عندها القدرة على كسب الرزق من دون وظيفة أو راتب ثابت. ولكن قبل ما تكون عندنا هذه القدرة، لازم نعرف أول إحنا شاطرين في إيش! إيش هو شغفنا؟ أيش اللي يميزنا عن غيرنا؟ والسؤال الأهم أيش اللي موقفنا من إكتشاف وتحقيق أحلامنا؟ صديقنا رائد الأعمال أسامة نتو مر علينا اليوم وجابلنا معاه قهوة وقعدنا ندردش في هذا الموضوع، وعرفنا إنه أسامة أكتشف طريقة جديدة تمكن كل شخص إنه يكتشف شغفه. والحديث كان مرة شيق لدرجة إنه أخذ...

Duration:01:34:33

#106: حسان كبير بس أحمد أكبر

9/11/2018
More
حلو لمن يكون عندك هدف في الحياة… كثير مننا يعيش حياته مسير على الخطى اللي رسمها المجتمه له، لكن من حين لآخر نلاقي إنه في ناس في مجتمعاتنا سخرت حياتها لتحقيق أهداف معينة. البعض تكون أهدافه شخصية والبعض الآخر تكون أهدافه دافعها خير لمجتمعه، والبعض الآخر تكون أهدافه إعطاء صوت لمن لا صوت له. وضيفنا لحلقة اليوم هو من الفئة الأخيرة، اللي هو وزوجته سخروا حياتهم لإعطاء أصوات لفئات من المجتمع مالهم صوت كبير، ضيفنا هو الإعلامي والمبدع حسان “بيج هاس” ضناوي. اللي اتكلم معانا على فن الراب أو الهيب هوب...

Duration:01:12:11

#102: قاعدين ننتظر حسن البارقي

8/13/2018
More
اليوم أجتمعنا عشان نسجل حلقة… وقبل ما نبدأ عرفنا إنه صاحبنا حسن البارقي قرر يجي يشاركنا، فعبال ما يجي قلنا خلينا نجهز المايكرفونات ونبدأ ندردش شوية إلى ما يوصل حسن… المهم حسن أتأخر والمواضيع صارت حلوة فقررنا نكمل تسجيل وبقدرة قادر صار عندنا حلقة رقم ١٠٢ من بودكاست مستدفر. أتكلمنا على مواضيع مختلفة من كرة القدم ونظم التدريب للرحلات البحرية وكمان ناقشنا بعض النظريات الفلسفية في الفن والعلم. كان معانا في حلقة اليوم الفنان محمود زيني والمتألق دائماً المهندس عمير طيبة. بودكاست بلافلسفة...

Duration:00:51:50

#101: هذه مو فيزياء مية و واحد

8/4/2018
More
حلقة اليوم يحتاج لها شوية تركيز… الموضوع ملعبك، مليان مصطلحات انجليزية وعلمية… وجدال عمره ما حصل في حلقة مستدفر قبل كدة! أتكلمنا اليوم عن فكرة السفر عبر الزمن، شيء شفناه في أفلام كثير لكن ما هو مدى واقعية هذه الفكرة؟ هل هي من سابع المستحيلات؟ هل في أي تجارب علمية أو معادلات تثبت هذه الفكرة أو تنفيها؟ كان معانا في الحلقة خيرة بندقجي والدكتور عبدالحكيم جمعة وخبيرنا الفيزيائي (إللي مرارته أنفقعت) الرهيب دائماً عمير طيبة. تعريف الوقت https://www.youtube.com/watch?v=7P3Ous2IjiQ نظرية النسبية...

Duration:01:15:14

#100: لسة مو عارفين إيش بنسوي

7/27/2018
More
متخيلين؟ ١٠٠ حلقة!!! إحنا مو مصدقين إنه برنامجنا الصغير اللي بدأ كفكرة صغيرة قبل ثلاث سنوات بالضبط أستمر هذه الفترة. وما كنا حنستمر بهذا الحماس للفترة هذه كلها من غير دعمكم يا مستمعينا الرهيبين! دعمكم لنا هو سر حماسنا… ومهما شكرناكم ما حنقدر نوفيكم حقكم. واليوم وبمناسبة الحلقة رقم ١٠٠ حبينا نستعيد ذكريات الحلقة الأولى إللي بدأنا بيها البرنامج، وحاولنا إننا نعيد نفس روح البرنامج زي ما كانت في ٢٠١٥… فاجتمعوا عمار ورامي مع خيرة بندقجي وعمير طيبة (كان المفترض فيصل العسيري يكون معانا بس ما...

Duration:00:58:57

#099: أبرئ ذمتك وخذ براءة إختراعك

7/20/2018
More
وهذه آخر حلقة قبل الحلقة رقم ١٠٠ من بودكاست مستدفر… محنا مصدقين كيف الوقت جري وحنخلص ١٠٠ حلقة! وبهذه المناسبة حنسمعكم تكملة لواحدة من حلقاتنا القديمة. حلقة رقم ٨ اللي سجلناها في أغسطس ٢٠١٥… بعد ما خلصنا تسجيل الحلقة كملنا النقاش كمان نص ساعة. التسجيل هذا أول مرة أي أحد يسمعوا من ثلاث سنوات وكان معانا فيه عمير طيبة و فيصل العسيري، واتكلمنا فيه على مواضيع كثيرة من ضمنها العلامات المسجلة وبراءة الإختراعات وهل تعتبر شيء كويس للبشرية أو لأ. وهل تشوفوا ويكيبيديا مصدر موثوق يعتمد عليه؟ وقد أيش...

Duration:00:33:32

#098: ياريت عشان خاطر مدينتك

7/2/2018
More
مع إن مدننا فيها الكثير من المميزات اللي تفتقر لها كثير من المدن حول العالم… دايماً نطمح للأفضل. ومع إنه الكثير مننا يعيش في هذه المدن وزار عدد من المدن الأخرى حول العالم، في بعض الأشياء اللي شفناها وعشناها في مدن ثانية نتمنى إننا نشوفها في مدننا. لكن أحياناً نحتاج نظرة إنسان متخصص في مجال العمارة وتخطيط المدن عشان يقولنا ليش بعض المدن ينقصها الكثير، وليش بعض المدن الأخرى تبدوا متكاملة. وعشان كدة قعدنا اليوم مع المهندس هشام ملائكة عشان نعرف أكثر عن مدننا وتاريخها المعماري. وشاركنا في...

Duration:00:53:52

#097: معاك يالأخضر في اليوم الأسود

6/24/2018
More
كأس العالم ٢٠١٨ كنا ننتظره بفارغ الصبر لأنه بعد سنين عجاف أخيراً وصل منتخبنا الوطني السعودي لتصفيات كأس العالم مرة أخرى. ومو بس كدة، كمان حنلعب المباراة الإفتتاحية مع روسيا وكمان المباراة حتكون ليلة عيد الفطر. وفعلاً لعبنا المباراة الإفتتاحية وقبل ما أهل سدير يشوفوا هلال شوال ويعلنوا العيد… قرروا لاعبينا إنهم يجيبوا العيد بنفسهم أمام الفريق الروسي بخسارة مضحكة مبكية بخمسة أهداف نظيفة. ما صدقنا العالم بدأ ينسى خسارتنا أمام ألمانيا بثمانية أهداف، نقوم نعيد تذكيرهم بمستوانا “الرهيب” في...

Duration:01:07:06

#096: "ث" تعني ثور تائه في برسيمه

6/16/2018
More
فريق مستدفر يحب يهنئكم بمناسبة عيد الفطر ويقولكم كل عام وأنتم بكل خير… ولأننا آخذين إجازة اليومين هذه حنقدم لكم حلقة مسجلة مسبقاً في ٢٠١٥ وهذه أول مرة أي أحد يسمعها! ضيوفنا في الحلقة كانوا علي الزين وسندس الزين وخيرة بندقجي. الحلقة كانت أغلبها باللغة الإنجليزية (في أول أيام البرنامج الإنجليزي كان غالب على حلقاتنا) وأتكلمنا على بعض “الناس” اللي بنقابلهم في الشارع كل يوم وتصرفاتهم عادة “مشي حالك”. وبرضه أتكلمنا عن إستخدام برامج تخزين الكلمات السرية اللي بتستخدم في الإميلات وحسابات المواقع...

Duration:00:44:43

#095: هيا بينا نكون شويفتي هنا

6/9/2018
More
مو كل أفلام الكرتون أتعملت للأطفال… في أفلام كرتون أنتجت للكبار فقط! وواحد من أفضل هذه “الكراتين” هو المسلسل الأمريكي “ريك آند مورتي” إللي مبني في عالم خيالي مليء بالمتعة والكوميديا والإختراعات. وفي نفس الوقت… في بعض القصص الخيالية اللي صنعت للصغار والكبار على حد السواء… زي “الكوميك بوكس” أو القصص المصورة اللي أتعرفنا من خلالها على شخصيات زي الرجل العنكبوت وسوبرمان وكمان سلاحف النينجا. اليوم جلسنا مع راكان كدسة وعبدالله رافعة اللي أستدفروا معانا على بعض هذه المواضيع، إذا انتم من الناس اللي...

Duration:01:17:16

#094: رؤية عشرين ثلاثين صارت واضحة عشرين على عشرين

6/1/2018
More
رؤية ٢٠٣٠… سمعناها كثير وكل التغييرات اللي بتحصل في البلد مبنية على هذه الرؤية، المشكلة إنه كثير مننا ما قرأ أي شيء عن الرؤية وما عندنا أي فكرة عن أبعادها وحدود التغييرات اللي ممكن تحصل. وفهمنا للرؤية حيساعدنا كشعب إننا نكون جزء من التغيير وعنصر فعال في التحويل الإيجابي. وعشان كدة قعدنا اليوم مع الدكتور محمد حكيم والدكتور المهندس هاشم الزين اللي حاولوا يشرحولنا الرؤية بشكل مبسط عشان عمار بالذات يقدر يستوعبه. أسمعوا الحلقة وقولولنا إذا كان الشرح مفيد وواضح ودقيق من وجهة نظركم.

Duration:01:12:11

#093: ياكلك حبة حبة... أكل الهمبرجر

5/24/2018
More
لسكان مدينة جدة… أيش أحسن المطاعم اللي عندكم؟ اليوم قعدنا مع صديقنا أحمد درويش… أحد مؤسسي مجموعة “The Foodies SA” وأتكلمنا معاه عن الأكل في جدة والموضات المختلفة اللي بنشوفها في السوق اليوم. ومن ضمن الحديث سألناه عن أفضل المطاعم من وجهة نظره وقلنا على إختياراته لأفضل المطاعم في جدة اللي تبيع: ستيك، بيتزا، همبرجر، شاورما، أكل هندي، دجاج بروست، مناقيش، فول، طعمية وختمها بالسوشي.

Duration:01:04:03

#092: تكي هنا وأكتب التدوينة الأخيرة

5/17/2018
More
مع دخول السينما السعودية، وضع صناعة الأفلام الآن أختلف في البلد. والساحة صارت مفتوحة لجيل جديد من الفنانين والمبدعين في مجالات الإخراج والتمثيل والتصوير وكل ما يتعلق بصناعة المحتوى الترفيهي بإنه يتطور ويلاقي جمهوره في بلده. وبالتالي اليوم أجتمعنا مع نادية ملائكة وعلي الشريف وخالد يسلم، مجموعة من الممثلين السعوديين اللي دخلوا عالم التمثيل خلال السنوات اللي راحت وأتكلمنا على مستقبل المهنة في البلد وكل واحد فيهم أعطانا شوية من خبراتهم ونصائحهم.

Duration:01:34:33

#091: مين قال إنه كل "الهاكينج" غلط؟

5/11/2018
More
في ٢٠١٥ قعدوا عمار ورامي مع عمير طيبة وقعدوا يتكلموا على بعض المواضيع التقنية: ليش اليوم كثروا مستخدمي أجهزة آبل أكثر من أول ما بدأوا؟ ليش في “Viruses” على الإنترنت وأيش بيستفيدوا الناس اللي بيسووها لمن يسووها؟ أيش يعني "هاكينج" وهل هو شيء سلبي؟ أو ممكن يكون شيء إيجابي؟ هل نظام الدراسة اليوم في المدارس والجامعات مفيد لنا اليوم؟ أو ماله داعي مقارنة باللي نتعلمه في الشغل؟ ليش أصلاً بنروح ندرس في الجامعة؟ هل هي وجاهة؟ هل فعلاً لحب التخصص؟

Duration:00:35:34

#090: شبسات و لباينة و سعاودة

5/5/2018
More
هل الأفلام الأجنبية في السينما السعودية حتتدبلج للعربي؟ هل اللهجة تأثر على أداء شخصية في فيلم أو مسلسل؟ أيش السن المناسب للأطفال إنه يكون عندهم حسابات في شبكات التواصل؟ ليش الناس بتتابع حساباتنا الشخصية؟ وليش يلغوا المتابعة؟ هل تربيتنا لأولادنا بتسلب منهم شخصيتهم؟ ليش كنا شاطرين في الإبتدائي وصرنا فاشلين في التوجيهي؟ عبدالله يبغى يعرف أيش جمع كلمة “شيبس”؟

Duration:01:02:01