Oracoes em Latim

Ave Regina Coelorum Ave Domina angelorum Salve radix, salve porta Ex quae mundo lux est orta. Gaude virgo gloriosa Super omnes speciosa Salve, o valde decora Et pro nobis Christum exora.

Crux sacra sit mihi lux Non draco sit mihi dux Vade retro satana Numquam suade mihi vana Sunt mala quae libas Ipse venena bibas.

Sancte Míchael Archángele, defende nos in praélio; contra nequítiam et insídias diáboli esto praesidium. Ímperet illi Deus, súpplices deprecámur: tuque, Prínceps militiae caelestis, Satanam aliosque spíritus malignos, qui ad perditionem animarum pervagantur in mundo, divina virtute in infernum detrude. Ámen

Sancte Ángele Dei, qui custos es mei, me tibi commissum pietate superna; hodie illúmina, custodi, rege, et guberna. Ámen.

Veni, Sancte Spíritus reple tuorum corda fidélium, et tui amoris in eis ignem accende. V: Emitte Spíritum tuum et creabuntur; R: Et renovabis fáciem terrae. Oremus: Deus, qui corda fidélium Sancti Spíritus illustratione docuisti: da nobis in eodem Spíritu recta sápere, et de eius semper consolatione gaudere. Per Christum Dóminum nostrum. Ámen.

Salve, Regina, Mater misericordiae, Vita, dulcedo, et spes nostra, salve. Ad te clamamus, exsules filii Hevae, Ad te suspiramus, gementes et flentes In hac lacrimarum valle. Eia, ergo, advocata nostra, illos tuos Misericordes oculos ad nos converte. Et Jesum, benedictum fructum ventris tui Nobis post hoc exilium ostende. O clemens, O pia, O dulcis Virgo Maria. V: Ora pro nobis Sancta Dei Genitrix. R: Ut digni efficiamur promissiónibus Christi. Ámen.

Ave Maria, gratia plena, Dóminus tecum. Benedícta tu in muliéribus, et benedíctus fructus ventris tui, Iesus. Sancta Maria, Mater Dei, ora pro nobis peccatóribus, nunc, et in hora mortis nostræ. Ámen.

Pater noster, qui es in cælis Sanctificétur nomen tuum Advéniat regnum tuum Fiat volúntas tua Sicut in cælo, et in terra Panem nostrum quotidiánum da nobis hódie Et dimítte nobis débita nostra Sicut et nos dimíttimus debitóribus nostris Et ne nos indúcas in tentatiónem Sed líbera nos a malo Amen.

In nómine Patris et Filii et Spíritus Sancti, Ámen.