Tús Áite

Labhair Emma Ní Bhroin, Ball de Choiste na Féile Pan-Cheiltigh linn faoin fhéile agus an chomórtas amhránaíochta anocht.

Scéalta ó na nuachtáin áitiúil le Joseph Mac Aoidh.

Dúirt Uachtaráin na hIaráine Masoud Pezenshkian gur sárú gan náire ar an sos cogaidh iad ionsaithe Iosrael ar an Liobáin agus nach mbeadh ciall ar bith le cainteanna síochána má leanann siad ar aghaidh. Phléamar an scéal seo le Piaras Mac Éinrí, Léachtóir sa Roinn Tíreolaíochta Coláiste na hOllscoile Corcaigh.

Na scéalta móra i bpolaitíocht an lae á phlé ag Áine Ní Chiaráin.

Inniu an triú lá d’agóidí breosla. Cuireadh bac ar scaglanna ola i gCorcaigh agus i Luimneach agus ní raibh artola ar bith ar fáil i roinnt stáisiún bhreosla i ndeisceart agus iarthar na tíre. Labhair Mairéad Farrell, Urlabharaí ar Caiteachas Phoiblí agus Athchóiriú Shinn Féin, Teachta Dála Gaillimh Thiar agus Shane Curley, Seanadóir le Fianna Fáil

Labhair ár dtuairisceoir Cearbhall Ó Síocháin agus Pól Ó hÍomhair, Mac Léinn i gColáiste na Trionóide linn beo ó lár na cathrach agus iad ag cur síos ar na hagóidí breosla atá ag tarlú sa chathair le trí lá anuas.

Cearbhall Ó Síocháin; Pól Ó hÍomhair Mac Léinn Coláiste na Trionóide; Máiréad Farrell TD Shinn Féin; Shane Curley Seanadóir le Fianna Fáil; Áine Ní Chiaráin, Tráchtaire Polaitíochta; Piaras Mac Éinrí Léachtóir i Coláiste na hOllscoile Corcaigh; Joseph Mac Aoidh; Emma Ní Bhroin

Mír na Meán le Síle Ní Choinceannain. An clár fáisnéise ar RnaG Gabriel Rosenstock: An Fear nár Saolaíodh Riamh agus an clár teilifíse Ar Son Na Cúise ar TG4 a bhí á phlé aici.

Labhair Cearbhall Ó Síocháin leis an ailtire Breandán Mac Aodh Bhuí fén turas treoirithe agus le hEoin McEvoy fé imeachtaí Aerach Aiteach Gaelach a bheas ar siúl mar chuid d’Fhéile Ealaíne na gCúig Lampa.

Labhair Una Ní Bhroiméil, Staraí agus Saineolaí ar Stair Mheiriceá agus Enda Hardiman Innealtóir agus Fear Gnó linn faoin sos cogaidh idir Meiriceá agus an Iaráin.

Na scéalta móra i bpolaitíocht an lae á phlé ag an Tráchtaire Polaitíochta Áine Ní Chiaráin.

Áine Ní Chiaráin (Tráchtaire Polaitíochta); Una Ní Bhroiméil (Staraí agus Saineolaí ar Stair Mheiriceá); Enda Hardiman (Innealtóir agus Fear Gnó); Síle Ní Choinceannain

Alan Titley, Ollamh Emeritus le Gaeilge i gColáiste na hOllscoile Corcaigh agus Peadar De Blúit, Tráchtaire a bhí linn ar an Phainéal Idirnáisiúnta inniu. An Cogadh sa Mhéanoirthear agus an Ungáir a bhí i measc na scéalta a bhí á phléigh inniu.

Píosa cainte ag Alan Titley Ollamh Emeritus le Gaeilge i gColáiste na hOllscoile Corcaigh in omós don bhfile, an scríbhneoir agus an t-aistritheoir Gabriel Rosenstock atá ar shlí na fírinne.

Craolfar Siansa Gael Linn 2026 beo ón gCeoláras Náisiúnta i mBaile Átha Cliath Dé Domhnaigh beag seo an 12ú. Labhair Oisin Morrison, Cruitire, Cumadóir agus Múinteoir ceoil linn faoi Siansa agus beidh Oisín ar dhuine de na moltóirí ar an oíche.

Teastaíonn ó 13% de thuismitheoirí a bhfuil a bpáistí i scoileanna Béarla go n-aistreofaí an teanga teagaisc go Gaeilge. Seo de réir réamhthorthaí ón Suirbhé Náisiúnta Bunscoile a d’fhoilsigh an Roinn inniu. Phléamar an scéal seo le Cormac McCashin, Bainisteoir Tacaíochta leis an bhForas Pátrúnachta.

Na scéalta móra i bpolaitíocht an lae á phlé ag an Tráchtaire Polaitíochta Áine Ní Chiaráin.

Áine Ní Chiaráin (Tráchtaire Polaitíochta); Oisín Morrison (Cruitire, Cumadóir agus Múinteoir Ceoil); Cormac McCashin, (Bainisteoir Tacaíochta leis an bhForas Pátrúnachta) Alan Titley (Ollamh Emeritus le Gaeilge i gColáiste na hOllscoile Corcaigh); Peadar De Blúit (Tráchtaire)

Scéalta móra na seachtaine á phlé ag Eimear McGovern (Iriseoir le The Belfast Telegraph) agus Seán Ó hArgáin (Comhairleoir le Páirtí an Lucht Oibre do Chill Channaigh, Iar-Príomhoide Ghaelscoil Osraí Chill Channaigh agus Iar-Uachtarán Gaeloideachas)

Dúirt cathaoirleach Gael Taca i gcathair Chorcaí go bhfuil mearbhall air tar éis d’Aire na Gaeltachta ar rá le The Journal nár “cuireadh plean teanga de chaighdeán inghlactha le chéile i leith Chathair Chorcaí”. Deir Seán Ó Laoi gur chur a eagraíocht plean cuimsitheach faoi bhraid na Roinn dhá bhliain ó sin.