閒置中 by 本土研究社 Liber Podcast
Politics
《閒置中 Liber Podcast》係由本土研究社嘅一班研究員製作。平時攰攰地個陣，停一停將平日關注嘅唔同議題沈澱同累積，研究以外同大家深度講解研究背後嘅心路歷程，破除迷思同發掘新諗法，提著亂世之中唔好閒置自己，仍然關注香港身邊事物嘅朋友記著follow我哋，想聽啲咩都歡迎PM同我哋講！ 研究員：劍青、Brian、Sunny、Cody、Emily and more Facebook: https://www.facebook.com/localresearch/ IG:...
Location:
United States
Genres:
Politics
Description:
《閒置中 Liber Podcast》係由本土研究社嘅一班研究員製作。平時攰攰地個陣，停一停將平日關注嘅唔同議題沈澱同累積，研究以外同大家深度講解研究背後嘅心路歷程，破除迷思同發掘新諗法，提著亂世之中唔好閒置自己，仍然關注香港身邊事物嘅朋友記著follow我哋，想聽啲咩都歡迎PM同我哋講！ 研究員：劍青、Brian、Sunny、Cody、Emily and more Facebook: https://www.facebook.com/localresearch/ IG: https://www.instagram.com/liberresearch/ YT: https://www.youtube.com/@liberresearch 支持本土研究社: https://liber-research.com/support-us-2-2/ #閒置中 #本土研究社 #本研Podcast #LiberPodcast
Language:
Chinese
Website:
https://liber-research.com
Episodes
【馬年賀年特輯】
2/18/2026
研又過研～ 閒置中祝各位新研快樂
今集特備節目未必有以往集數嘅研究含量，但依然有一大堆研究員(5個) 嘅聲音陪大家過新年，順便分享一下近來研究社嘅種種～ 拜年難以避免會有無聊嘅時候， 歡迎重溫過往集數，再次同我哋一齊深入探討各種社會議題～
研究員：Brian、戴安、Emily、Cyrus、劍
Duration:00:46:18
EP250 閒置終 - 閒置中最終章
11/2/2025
閒置中迎來第250集，我哋正式宣布閒置中要結束啦，感謝5年嚟無論係持續收聽或者係間唔中收聽閒置中嘅聽眾，有大家嘅關注同支持令閒置中成為咗長壽節目之一~
喺最後一集，研究員同大家分享做podcast嘅種種，多謝大家嘅陪伴，我哋後會有期。
研究員：劍、Brian、Emily
Duration:01:10:19
EP249 遷村中 - 推土機下如何留得住田園風光？
10/27/2025
近來多條市區古村被拆，見到新聞描述村民嘅處境通常都要各散東西，甚至安置未有着落已經被突襲封村，其實又可唔可以避免到暴力拆村嘅發生呢？睇返過往文獻記錄受發展影響嘅拆村故事，原來有唔少搬村嘅例子可以保留到完整嘅村落，過程中政府會考慮村民嘅意願，甚至考慮埋村民日後嘅生計。呢種種又會唔會喺將來北都發展時，安置受影響嘅新界非原居民村可以參考嘅方式？今集閒置中，同大家講搬村。
研究員：劍、Brian、Emily
Duration:00:47:44
EP248 運吉中 - 市區私人「吉」地可以如何好好運用？
10/19/2025
地價低迷下，政府賣地滯銷、私人重建停滯，市區似乎都遍布唔少閒置緊嘅土地，但原來有唔少吉地都唔係近年先閒置，隨時凋空咗喺度十幾廿年。研究員近日就嘗試搵下有幾多呢類私人吉地，快手盤點下已經數到十幾廿塊，幾乎市區內區區都有。呢類土地除咗吉咗係度，係咪就因為屬於私人性質，就無辦法可以好好利用。定其實政府都可以透過唔同途徑，將佢哋嘅土地價值體現出嚟，例如係用嚟做公園或者市集？今集閒置中就同大家傾下如何好好運用呢啲市區吉地。
研究員：劍、Brian、Sunny
Duration:00:41:41
EP247 爛咀中 - 橋咀珊瑚仲有冇得救？
10/12/2025
西貢橋咀喺十一假期單日4000遊人登島，有珊瑚被踩，有海星被捉，生態熱點慘遭浩劫，事後大家發現，原來橋咀部分地方竟然不屬保護區範圍。要救橋咀，或者避免下一個郊野勝景淪為第二個橋咀，仲有冇其他辦法？喺香港搞生態旅遊，如何做到長做長有？今集閒置中，研究員同大家討論，香港郊野仲有冇得救。
研究員：Brian、戴安、Cyrus
Duration:00:55:14
EP246 田野中 - 喺市區竟然仲有真農地？
10/5/2025
幾星期前研究員實地考察發現，香港市區竟然仲有好幾幅農地。呢啲隱藏喺城市邊緣既農地，其實對於城市人有咩價值?喺高密度發展嘅香港，市區農田又有冇發展嘅空間？今集閒置中，同大家討論香港市區農田嘅過去、現在、同未來。
研究員：Brian, Cyrus
嘉賓：Will
Duration:00:45:45
EP245 暴風中 - 樺加沙襲港實時災害地圖
9/28/2025
超強颱風樺加沙襲港，邊區受災最嚴重？喺打風期間，研究員推出咗《樺加沙災情實時地圖》，實時上網收料，同時邀請公眾報料，再將各種災情用地圖方式呈現。研究員今集節目同大家分享下，製作公眾參與嘅實時災害地圖嘅價值同作用。
研究員：劍、Brian、Emily
Duration:00:46:38
EP244 嚴打中 - 如果政府嚴打套丁 或能避免公屋母子墮樓案？
9/21/2025
政府嚴打公屋濫用，天水圍兩母子因被收樓不堪壓力輕生，傳媒揭發原來事主因無辜被捲入套丁案，結果唔知情下持有土地，觸發房署收樓。而無人從事非法套丁的話，兩母子就唔會俾人利用，所以如果政府肯將打擊公屋濫用嘅心機，放喺打擊丁屋濫用度，令成條套丁產業鏈瓦解，呢件不幸事件就未必會發生。
劍、Brian、Sunny
Duration:01:07:35
EP243 維修中 - 要培養維修意識都要有政策支持？
9/14/2025
一件物品壞咗爛咗，你有幾可攞去維修？唔貴可能你直接拋棄佢，可能係你根本冇諗過有得整，又或者唔知揾邊個整，喺呢個時候，你可以選擇打開本研嘅香港維修地圖，地圖為你搜羅過百間維修舖頭，涵蓋9大類別，包括傢俬古董、時尚配件、電器電子產品、戶外運動用品、個人用品、生活器材、鐘錶、藝術品、樂器，總有一種貼合你嘅需要。
今集閒置中，研究員分享各種維修嘅方式，再講到循環經濟同埋有關維修嘅政策，希望下次有樣野壞咗嘅時候，我地都會諗起有維修呢個選擇。
研究員：Brian, Sunny, Emily
Duration:00:49:50
EP242 借傘中 - 香港原來仲有地方可以借一借遮？
9/7/2025
近月雨季來臨，天文台時不時就懸掛暴雨信號，一旦外出唔記得帶遮，就真係「揦」手唔成勢，以前例如係麥當勞、7-11都有得借遮，依家都無咗，其實仲有邊啲地方可以借？今日研究員同大家分享下全港可以借遮嘅熱點，再闊啲咁去探討下喺香港推動資源共享嘅可能性。
研究員：Brian, Sunny, Emily
Duration:00:50:07
EP241 再生中 - 政府近年推太陽能發電有幾落力？
8/31/2025
政府目標喺2035年前要將太陽能發電比例升至1-2%，雖然睇落好似唔多，但依家其實連0.5%都無，嚟緊私人安裝太陽能板嘅趨勢，亦可能會因「上網電價計劃」退場而急跌，究竟政府喺滿足呢個目標上有幾俾力呢？研究員請嚟自由環境記者梁錫嵐，嚟同我哋討論一番，究竟政府依家自己嘅主要建築有幾多有安裝太陽能系統，而香港要提升可再生能源又有咩障礙？今集閒置中同大家淺入深出。
研究員：Brian、Sunny
嘉賓：Selena (Freelance環保記者)
Duration:00:43:59
EP240 承傳中 - 民間視覺看香港非物質遺產
8/23/2025
近年非物質文化遺產即係非遺得到關注，連快餐店都推出焗豬百販非遺餐，除咗蛋撻、奶茶之外，香港原來仲有220個非遺主要項目，唔少人可能聽都未聽過。如果唔想呢啲文化遺產以後只可以喺博物館見到，承傳下一代好重要，但承傳嘅第一步係認識同接觸。
研究員今集會同大家將220項香港非遺，重新分類同介紹，幫助大家一起去保存香港的軟實力。
研究員：劍、Brian、戴安
Duration:00:43:32
EP239 內熱中 - 香港暑熱城市熱島中有島?
8/17/2025
香港酷熱天氣漸變日常，但有沒有想過，酷熱問題唔單只發生戶外? 近日由低碳想創坊同葵涌劏房關注組合力做的調查發佈，深入探索左酷熱問題唔單只發生於白日與街頭，其實室內酷熱同熱夜更是少人留意的問題。今次請到低碳想創坊研究員上來一齊分享，傾下：
- 一般講城市有熱島效應，但其實熱島中還有熱島?
- 唔經唔覺酷熱已經走進大家屋企，邊啲社群最受影響?
- 問題好似愈積愈難攪，究竟有乜策略可以超前部署?
持續的酷熱都需要持續的研究，先會有更完善既酷熱管治及可持續既城市未來，今集閒置中，同大家淺入深出傾下呢個熱話。
研究員：劍
嘉賓：Chung、歡 (@低碳想創坊)
Duration:00:51:32
EP238 活化中 - 拆樓重建以外的可能
8/8/2025
唐樓是香港獨有的都市景觀，見證住一代又一代人嘅生活痕跡。但隨着歲月流逝，唔少唐樓逐漸老化失修，而一直以來，拆卸重建似乎就係唐樓難逃的命運。但拆真係唯一選擇嗎？可唔可以在保護舊區面貌之餘，為唐樓注入新生命？其實，坊間早已有不少活化的成功例子，將一些唐樓變成民宿、咖啡店和展覽空間。究竟佢哋點樣做到呢？這些成功例子，又為香港的都市更新提供咗咩新啟示？
今集《閒置中》，帶你睇唐樓「起死回生術」。
研究員：劍、Cyrus
Duration:00:34:44
EP237 垂死中 - 垂直綠化同日常有咩關係？
7/27/2025
原來綠化同城市空間密度有關，係先決條件令發展商起多幾層樓？
植物頻繁枯死或種假花假綠，都係為咗湊數？
颱風引發盆「災」事件，發現牆身植物都有安全隱患？
垂直綠化之外，仲有幾多設施設計離譜只為湊數？
要做到可持續嘅垂直綠化又可唔可能？
街上見到一幅幅垂死嘅垂直綠化植物，除咗觀感唔好，原來仲有好多方面或多或少影響緊我地嘅生活。今集《閒置中》，同你深入淺出講垂直綠化。
研究員：劍、Emily
Duration:00:36:33
EP236 車始中 - 網約車時代終於降臨
7/21/2025
網約車進軍香港市場超過10年，當全球各地不少城市已經迎合全球大勢為其立法規管，但香港要拖到2025年先有第一個規管框架，背後當然有股既得利益影響。但的士業亦唔係鐵板一塊，唔少司機已經用app接單，傳統的士業同網約車嘅分野變得模糊。隨著網約車時代終於來臨，未來呢個行業會點演化？今集閒置中研究員同大家探討下。
研究員：劍、Brian
Duration:00:42:47
EP235 趁墟中 - 天未光就出現嘅墟市有咩社區功能？
7/14/2025
原來香港有好多天未光先會出現嘅檔攤市集，已經存在咗喺呢個城市好多年，幾乎全港18區，過往都有呢堆天光墟市嘅相關紀錄。雖則近年似乎好多都已經沒落、息微，但其實仲有唔少近年仍然活躍。究竟呢類墟市有冇任何社區功能，對於香港嘅發展而言，佢哋係咪真係一啲價值都冇呢？今集閒置中，同大家傾吓呢類墟市嘅獨特性，同埋相關嘅經歷。
研究員：劍、Brian、Sunny
Duration:00:28:47
EP234 無營中 - 究竟香港啲豪華露營有幾豪華？
7/7/2025
疫情期間好多人都對露營活動趨之若霧，而當時唔同私人營地都大行其道，露營農莊、露營車、印第安式露營帳篷等等，唔少都標榜自己係豪華露營，價格上同樣係豪華級數。但疫後大家唔再困喺香港入面，外地亦有唔少露營或度假嘅選擇，似乎好多昔日嘅營地都已經做唔落去，結業潮係咪已經蔓延到鄉郊？呢個現象又對香港嚟緊嘅生態旅遊政策有咩啟示？今集閒置中，同大家由本地露營講到點樣嘅生態旅遊先係理想嘅模式。
研究員：劍、Brian、Sunny
Duration:00:47:03
EP233 商宿中 - 究竟准許商廈改做學生宿舍係咪會「推冧」樓價？
6/29/2025
近日政府宣布容許酒店、商廈毋須任何規劃程序就能改裝成學生宿舍，有指相關做法可能會推冧樓價。究竟呢項政策原意係想做啲咩，香港學生宿舍短缺問題又有幾嚴重？今集閒置中，同大家一齊發掘下香港商業地嘅現況同出路，探討呢項政策係咪真係可以解決到宿位不足嘅問題。
研究員：劍、Brian、Sunny
Duration:00:34:35
EP232 吔粥中 - 究竟全港仲剩低幾多間傳統老粥舖？
6/15/2025
香港人病咗要戒口，白底紅字招牌嘅傳統粥店，往往價廉物美，係病人嘅恩物。但近年餐飲業界寒冬，都牽連唔少老店結業，究竟香港仲有幾多間傳統粥店，佢哋又有無咩獨特性，係連鎖粥店食唔到嘅呢？今日閒置中，請嚟有本研foodie之稱嘅戴安，同大家一齊分享食粥嘅經驗，探討地道基層粥舖，係咪都應該作為宣傳本地特色嘅旅遊景點。
研究員：Brian、Sunny
嘉賓：戴安 (本研foodie)
Duration:00:34:36