Sportso-mate｜Sportunes HK

灣仔富德樓出名係一個文化及藝術集中地，點估到入面竟然有個地方孕育咗一班巴西柔術運動員？"Do Not Go Gentle Into That Good Night" 係一首嚟自威爾斯詩人 Dylan Thomas 嘅詩，同時係 Good Night Gym —— 一個運動文化空間嘅起源。形容為「空間」，因為參加者喺黑色嘅練習地墊上，除咗互相「糾纏」，仲有千百種互動嘅可能。參加「痛改前非肌肉班」、泰拳、巴西柔術等工作坊嘅人大部分都係文人，有鋼琴家、有編劇，亦有劇場中人，上堂前一齊睇一篇關於肌肉嘅散文、落堂寫封信畀一同練習嘅隊友⋯⋯運動嘅伸延，比我哋想像中更深、更遠。 主持：椰青 嘉賓：Good Night Gym 主理人 何倩彤 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

"Work Hard, Play Hard" 係唔少人嘅人生哲學，對香港空手道代表鄭栩彬（彬仔）嚟講亦然。無論係比賽定係玩，都要去盡先能夠獲得最大嘅滿足感。由青年組轉打成人組冇幾耐嘅呢位香港空手道新星，除咗早前喺亞錦賽凱旋而歸，亦曾經喺哈薩克攞過兩面亞青獎牌，但佢竟然話唔係咁想再去呢個地方？市民眼中嘅空手道運動員都比較嚴肅，彬仔喺呢個圈子係點自處㗎呢？椰青喺節目中同彬仔玩咗幾個殘酷二選一，今集《Sportsomate》一齊笑住聽吓呢位運動員嘅日常！ 主持：椰青 嘉賓：空手道搏擊代表 鄭栩彬 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

運動品牌 lululemon 早前喺美國舉辦咗一個名為 FURTHER 嘅超級馬拉松，本地巴西柔術運動員郭苡彤（Vriko）係其中一位挑戰者。一年前，Vriko跑1公里都要唞幾次；一年後，佢實現咗「每日跑50公里」呢個目標，順利用六日完成303.313公里。跑步對Vriko嚟講，一直都唔係一個好嘅回憶，其中包括求學時期被欺凌嘅往事。不過呢一年，佢就因為每星期練30個鐘而同跑步建立咗一段新嘅關係。呢六日嘅超馬究竟係點過？烈日下喺沙漠不停兜圈跑嘅佢諗緊啲咩？Vriko話今次接受挑戰除咗想證明自己，仲背負咗更遠大嘅期盼，唔知會聽今集《Sportsomate》嘅你又會喺其中得到啲咩訊息呢？ 主持：椰青 嘉賓：超級馬拉松挑戰者 郭苡彤 Vriko Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

Voguing源自美國哈林區非裔及拉丁裔同志社群，當時嘅舞者因為搵唔到自己嘅容身之處，所以建立咗呢個能夠互相包容同照顧嘅「家」。喺保護罩下，舞者可以毫無保留地展現自己從未敢公開嘅一面，接納真我。時至今日，雖然歧視同負面評價已經大幅減少，但呢個「家」依然不斷擴展中，本地Voguing老師 KenKen Elle，亦係其中一位壯大香港Voguers社群嘅功臣。自大學接觸咗呢個舞種，KenKen同Voguing之間就多咗個等號：「我未必可以將紐約嘅Ballroom文化原汁原味咁帶返嚟，但我希望嚟到香港Ballroom嘅大家，一樣能夠感受當中嘅能量同愛。」 主持：椰青 嘉賓：本地Voguing老師 KenKen Elle Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

第一次渣馬就玩半馬，順利完成冇投訴！但嗰條有血跡嘅跑道、一班會喺西隧大嗌嘅跑手、冇睇跑步禮儀手冊嘅參加者⋯⋯對身心靈導師夢妮妲嚟講，全部都係考試題目。跑前預備，夢妮妲做嘅功夫同其他人有冇唔同？點樣可以將「來回地獄又折返人間」嘅跑步體驗視為一次長時間嘅冥想練習？身、心、靈，三方面喺跑步過程中係點樣互相影響？今集《Sportsomate》有雙腳貼地嘅夢妮妲，分享佢嘅半馬故事，提醒你關顧心靈同精神層面之餘，更要認真看待身體嘅需要。 主持：椰青 嘉賓：身心靈導師 夢妮妲 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

當你見到復活節長假嘅出境人次高達76萬，就知去旅行係香港人深入骨髓嘅癮。有人去旅行為咗飲飲食食，有人為咗逃離工作⋯⋯而跑步教練陳培郁（Henry）就揀咗「以比賽為由去旅行」。2017年由荷蘭阿姆斯特丹嘅半馬跑起，呢幾年Henry嘅腳毛同汗水已經分別散落喺德國、西班牙、丹麥及日本等地，所以佢對外地跑遊都有一番心得：比賽前要做啲咩功課？報比賽可以喺邊幾方面入手？邊度嘅比賽最令佢難忘？自細就覺得自己唔及人嘅Henry，其實由學界開始已經堅持跑步20年，佢又點睇今時今日仍然喺起跑線上嘅自己呢？ 主持：椰青 嘉賓：跑步教練 陳培郁 Henry Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

聽過唔少人視「我冇運動細胞」為唔做運動嘅原因，但如果運動細胞其實就係你嘅身體＋心靈＋習慣＋生活模式，就係你呢個人，咁呢個世界仲會唔會有人係冇運動細胞㗎呢？今集《Sportsomate》有提倡「要活就要動」嘅獨立歌手Luna Is A Bep，唔同你講音樂，大條道理講運動。自從喺幾年前發現運動就係牽一髮動全身，能夠同時構建到一個人嘅健康、事業，甚至對知識嘅追求，Luna就不斷透過喺自己身上做實驗，去宣揚做運動嘅好處。 主持：椰青 嘉賓：獨立音樂人 Luna Is A Bep Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

山長水遠嚟到，冇理由咩都唔做。或者因為咁，唐卓賢（唐狗）揀咗投身喺Pakour呢樣新興咗十幾二十年嘅運動。身為KOL，講嘢都浪漫過人：「Pakour係我用自己嘅肢體動作同障礙物排一隻好靚嘅舞。」視障礙為無障礙，唐狗先可以一往無前，用唔同嘅形式同方法推廣佢最鍾意嘅Pakour。粉絲對佢嘅象停留喺「危險嘅男人」呢個標籤，但唐狗喺拍片背後做咗幾多安全評估、練習咗幾耐，你又知唔知？今集《Sportsomate》，唐狗放低咗平時嘅偶像包袱，認真地分享咗自己想收埋又唔係好收得埋嘅一面⋯⋯ 主持：椰青 嘉賓：Parkour KOL 唐卓賢（唐狗） Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

我哋成日將「體育無分國界」掛喺口邊，但其實無意中都會認定某啲運動係某啲人做唔到，今集《Sportsomate》就有嚟自Love 21 Foundation嘅陳樂仁（Kenneth）為大家打破呢個迷思。Kenneth喺呢間主要為唐氏綜合症及自閉症患者（當然唔少得佢哋嘅照顧者！）制定體育及營養計劃嘅慈善機構服務咗5年，見過學員們喺唔同運動上面嘅表現，Kenneth相信佢哋只係少咗一啲機會激發其中嘅潛能。有啲學員天生對聲音同光線特別敏感，開班嘅時候有啲咩要注意？冇音樂嘅跳舞班又係點進行㗎呢？今集我哋一齊回歸原始慾望，跟住Kenneth同學員享受運動嘅純粹！ 主持：椰青 嘉賓：陳樂仁 Kenneth @Love 21 Foundation Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

「讓我對這世界好奇」，撫心自問，長大咗嘅大家仲有冇以前嗰個咩都想知、咩都想試嘅好奇心？前香港五人足球青年軍 劉華，細個因為種種原因而冇繼續佢嘅足球之路，但就畀佢悟出咗一個道理：而家做唔到，唔代表之後做唔到。抱住當年嘅好奇心繼續探索，而家儲夠資源就可以試返晒以前未試到嘅嘢，因為咁，劉華仲喺社交平台開始咗佢嘅 #零基礎挑戰 ，同長大咗嘅大家企返起同一條起跑線；經歷返一樣嘅失敗、困惑同成功。劉華話：「身體協調固然要練，但未做到之前，不斷喺腦內練習，再搵機會實踐都好重要。」 主持：椰青 嘉賓：前香港五人足球青年軍 劉華 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

非洲肯亞嘅伊藤係冠軍之鄉，孕育咗好多世界頂級長跑好手，唔少熱愛跑步嘅運動員慕名而至，香港跑手Oscar Ng就係其中之一。有別於一般人選擇嘅四至六星期高原訓練，Oscar留咗喺伊藤超過兩年。兩年嘅肯亞跑步生活，並冇令Oscar嘅長跑成績大幅提升，但所見所聞就令佢眼界大開。每日食個Ugali，就跑落玉米田，或者同二十個人一齊搭小型客貨車出市中心買食材，車尾仲有幾隻雞㖭！喺伊藤，Oscar遇過馬拉松金牌常客Eliud Kipchoge，又試過同呢位「跑神」嘅唯一教練Patrick Sang深度交流，Oscar嘅最大體會係啲咩？「求道棄術」，人應該喺跑步呢個運動上面，攞啲咩走呢？ 主持：椰青 嘉賓：長跑運動員 Oscar Ng Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

佛法，往往關於「苦的生起」同「苦的熄滅」，彷彿係要人透過了解「苦」嚟認識生命同宇宙萬物嘅規律，從而「離苦得樂」。前甲一籃球員曾憲鏜（Ewing），曾經因為一場街波而深陷於網絡欺凌嘅苦，不過早年開始信奉佛教，而家睇返往事就有另一番解讀。目前係籃球教練嘅佢，喺學生同自己嘅仔仔眼中係一位佛系教練，仲有脾氣但就冷靜得多，係一位願意同年青人一齊行嘅老師。Ewing話，因為有過低谷，先知道「清淨」嘅重要，但要點樣將呢個概念融入平時嘅生活同教學到呢？聽吓今集《Sportsomate》 就知！ 主持：椰青 嘉賓：佛系籃球教練 曾憲鏜 Ewing Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

所謂「耳聽三分假，眼看未為真」，親身體驗都未必知道一個人嘅全部，更何況係社交平台上見到嘅嘢？選秀節目出身嘅大律師梁浩朗 Aaron 初出道時，被形容為「翻版阿Dee」，但真人其實唔係真係咁似。你以為佢文質彬彬書生味濃，原來係個貪玩又不顧形象嘅大男生，仲一星期做三日Gym，閒閒地都可以撐起自己做「人旗」兩三秒。平時只可以靠螢幕同社交平台認識呢位健身Law友，你可能已經錯過咗好多嘢，今集《Sportsomate》就由Aaron親口分享，或者可以輔助到你了解多佢少少？ 主持：椰青 嘉賓：健身Law友 梁浩朗 Aaron Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

近期香港再次掀起足球狂熱，女子足球會唔會因為咁而多返啲人留意呢？平時喺電視上見植詠珊（Cathy）就見得多，但其實佢更渴望大家喺足球場上見到佢？曾經係體育記者，又係大型體育運動嘅主持，就算涉足埋電視同電影，問到目前最想飾演嘅角色，Cathy 都係答「足球員」，就知道作為香港女子足球隊「人和天鷹」球員嘅佢心繫體育圈。走唔甩嘅好處，就係可以調整步伐，多角度漫遊呢個體育世界。無論係睇自己喺女足上嘅經歷，定係了解其他運動員不止於運動嘅故事，Cathy都甘之如飴。今集《Sportsomate》，我哋就同Cathy對調角色，參與呢位運動員嘅Day Off。 主持：椰青 嘉賓：香港女子足球員 植詠珊 Cathy Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

曾渤朗（阿朗）係香港攀登代表，經常出戰速度賽事。要用幾秒時間就爬到上15米高嘅終點，事前點都要規劃一下，但係咪有路線就一定會成功？或者好多時候更重要嘅係衝動同決心。所謂「世上無難事 只要肯攀登」，大膽試就有好多可能。都係因為大膽行多步，阿朗先會有自己嘅抱石體驗館，以及同五十多六十歲嘅爸爸一齊去美國攀石嘅珍貴回憶。講返起美國之旅，阿朗仍然覺得好驚險，不過亦因為咁，佢先睇到爸爸嘅厲害之處。至於抱石小館，阿朗坦言當時係因為想逃避現實，先把心一橫開始經營，但就係呢一下，逐漸令呢位本身冇乜生涯規劃嘅年輕人，建構起自己畢業後嘅目標。 主持：椰青 嘉賓：香港速度攀登代表 曾渤朗 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

細個長輩會話坐唔定嘅小朋友係「甩繩馬騮」，原來當中嘅甩繩動作，其實係一項運動。甩繩，英文係Rope Flow，中文翻譯多數稱呢個運動為繩流。照字面意思理解，即係身體隨住繩移動嘅方向而「流動」。人帶動繩，同時繩帶動人。繩流教練Sara Leung喺疫情時認識咗呢項運動，從此以後就人繩合一，連去旅行都要喺名勝前甩一甩。雖然同跳繩一樣，繩流只需要一條繩，但呢項運動其實仲有跳舞、太極、耍雙截棍等等嘅運動元素喺裡面。想知繩流點玩？今集《Sportsomate》同椰青一齊重拾兒時揈書包回憶，齊齊學玩呢個新興運動。 主持：椰青 嘉賓：繩流教練 Sara Leung Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

咩係主場？你對自己嘅主場又有幾認識？香港嘅文化、歷史、藝術，甚至運動發展，你有幾想去了解？本地籃球資訊平台SLAB嘅創辦人Jason Yip，自己會主動接觸有關方面嘅知識之餘，亦嘗試將運動同文化藝術結合，令圈子以外嘅人都願意聽吓香港故事。無論你鍾唔鍾意籃球，可能都聽過「黃金鐵籠」啟業邨籃球場，而家去呢個地方嘅人唔再局限於跟機打籃球嘅街場球迷，仲有喜愛本土文化嘅朋友；大坑舞火龍，原本係香港傳統文化，中秋節先見到一兩面，原來又可以結合籃球做個Crossover。推動運動產業，除咗運動本身，仲有好多嘢我哋可以留意。 主持：椰青 嘉賓：SLAB創辦人 Jason Yip Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

喺香港藝能界，衝動派嘅藝人除咗有吳卓羲，原來仲有《海女日記》嘅馮寶欣。因為諗到就想做，寶欣由唔做運動，變成考咗兩個潛水牌嘅海女，而佢喺成功考牌嘅九個月前，係連游水都未識。同樣因為衝動，佢仲開始咗自己嘅寵物零食品牌，一手一腳為寵物們製作小食。衝動未必係壞事，諗多步亦唔見得老土，寶欣話潛水令佢學到冷靜嘅重要，而家做決定前都會清清頭腦，諗多一秒。今集《Sportsomate》，同你一齊了解吓衝字行頭嘅寶欣，聽埋佢嘅新年願望！ 主持：椰青 嘉賓：香港（海）女藝人 馮寶欣 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

杭州亞運嘅壘球場上，終於響起廣東歌。《紅日》嘅歌詞，加上經歷完種種，聽到歌嘅一刻，連外表硬朗嘅香港女子壘球代表隊成員林佩君（Yaffa）都話：「大佬，你邊會忍到啲眼淚㗎？」人生冇乜幾何可以All In做一樣嘢，Yaffa同隊友們為咗最愛嘅壘球，決定全力上壘一次，結果未必係一般人眼中嘅最好，但都足以成為難以忘記嘅毛管戙時刻。比賽完結，返返打工仔生活，Yaffa望住人哋練習嘅相，依然會心生羨慕，唔知硬頸嘅佢嚟緊又會為「真愛」做啲咩呢？ 主持：椰青 嘉賓：香港女子壘球代表隊成員 林佩君 Yaffa Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

劉榮業、 梁帥榮、李健和⋯⋯呢啲名你有冇聽過？佢哋都曾經有份締造香港足球歷史。港足球迷一毫子眼見香港嘅體育歷史無處可尋，於是同另一位協作者吳家褀帶住球員昔日嘅波衫，嗰件香港製造、曾經流落印尼市集嘅波衫，走訪15位球員名宿，由佢哋親自講述當初嘅輝煌故事。一場比賽，由五位正選球員分別敘述，歷史就可以立體地呈現喺現代人嘅眼前。《We Have A Dream 我們的港隊》就好似一本歷史書，令香港體壇嘅故事唔再係傳說，而係被詳細記錄嘅歷史檔案。年過半百嘅球員，見返自己當時著嘅波衫有啲咩感受？作為球迷嘅一毫子又做咗啲咩，令唔係球迷嘅人都願意攞起呢本書嚟睇？ 主持：椰青 嘉賓：《我們的港隊》協作者 一毫子 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting