بودكاست السطوح

اتكلمنا عن جلسة الكنبة المرضية 🛋️ اللي بتواجهنا أحيانا وكيف ممكن تسحبنا لتحت وتوقف حياتنا، واتكلمنا عن طرق وأساليب تساعدنا في تجاوز والتغلب على جلسة الكنبة..

💡تنويه: الحلقة ماتتكلم عن تجنب المشاكل أو عدم الشعور بالأحاسيس السلبية أو الانفصال عن الواقع، ولكن بتتكلم عن تبنّي منهج معيّن عشان نعرف نتعامل مع هذه المشاكل بشكل صحّي وفعّال أكثر، ونتقبل ونتعايش مع المشاعر بكل أنواعها 🤍 (حاولوا تتغاضوا عن جودة الصوت هذي الحلقة بسبب مشاكل تقنية)

نقاش عن القناعة والرضا الحياتي مع الاستمرار في التطوير والتحسين 💜

حلقة خفيفة أتكلمنا فيها عن دوامة مفاهيم الوعي، وكيف انها عقدت الحياة بدل ماتبسطها وحولتنا لأشخاص مهووسين وعي ونسينا انه أفضل طريقة للحياة بإننا نعيشها ونتعلم منها...

حسب تعريف المعجم المحيط (اسم): هو بيئة، وسط يقيم به الإنسان. وحسب تعريف بودكاست السطوح المحيط (شعور): هو إحساس الدعم والحب، إحساس الشوَفان والإنتماء.

كل مانكبر وبنتغير بتتغير معانا مفاهيم الحياة، ومن ضمنها مفهوم الصداقة وأولويتها في حياتنا.. بنتكلم عن كيف في وقتنا الحالي اتغيرت واتعقدت مفاهيم الصداقة عالرغم من بساطتها..💜

الوحدة من أكثر المشاعر المؤلمة اللي بتحسسنا بقساوة الحياة، لكن لو غيرنا نظرتنا لهذا الشعور ممكن يتحول لنعمة عظيمة! اتكلمنا عن كيف نتعامل ونتعايش مع شعور الوحدة 🪑💜

نبدأ نعيش دور الشخصية الرئيسية في حياتنا و نصوّر مشاهدنا الشاعرية في كل لحظة 💜

أسوء أنواع الأعداء..متخفين بين الأصدقاء ويزرعوا الفخاخ بدون مانحس، كيف نعرفهم وكيف ممكن نتعامل معاهم؟

اتكلمنا عن المرحلة الرمادية المحيرة بين السلام والاستسلام، وحكيت عن تجربتي مع الاستسلام والاشياء اللي ساعدتني أتعامل معاه بطريقة صحيّة. استمتعوا 💜🎧

اتكلمنا عن مبدأ النظارة الوردية وكيف انها تخلينا نتمسك بأشياء وأماكن ممكن تضرنا وكيف ممكن تمنعنا نحمي نفسنا من الشر الحقيقي اخلعوا نظارتكم الوردية وشوفوا الحياة على حقيقتها واستمتعوا 💜😎

اتكلمنا اليوم عن ظاهرة بتصير كثير معانا بدون مانستوعب وكيف انه احيانا مخنا بيخدعنا ويمنعنا نتطور ونكبر بسبب خوفه من المجهول.. استمتعوا 💜🎧

أتكلمنا عن أهم مشكلات مقتبل العمر وهي العلاقات وبالتحديد الصداقة وكيف انه كل الأصحاب في حياتنا بيعيدوا تعريف أنفسهم بالنسبة لنا في هذي الفترة وهل فعلا تسطيح العلاقات شيء سيء لهذ الدرجة؟ استمتعوا وشاركوني أرائكم

سلسلة جديدة بنتكلم فيها عن مرحلة مقتبل العمر والتحديات اللي بتواجهنا في المرحلة، وكانت الفوضى هي الاختيار الأول في قائمة التحديات اللي حنناقشها سوا.. استمتعوا 💜🎧

أتكلمت عن معاناتي مع الشغف والحماس الزايد اللي بالتالي بيخلينا نستنزف شغفنا كله ولسه احنا مابدأنا.

كل عام وانتم بخير و عيد سعيد 🥳 عيديتي لكم: التاسعة في ليلة العيد 🌙 استمتعوا وانتو بتتجهزوا 💜🎧

نتكلم عن عقدة اللغات منذ الأزل وكيف تأثير اللغات على المجتمعات والحضارات مصادر شيقة: https://qz.com/925630/feel-more-fun-in-french-your-personality-can-change-depending-on-the-language-you-speak/ https://www.telc.net/en/about-telc/news/detail/how-does-learning-a-new-language-improve-your-brain.html#:~:text=%E2%80%9CBecause%20the%20language%20centers%20in,another%20post%20on%20the%20site.

وتستمر حروب وصراعات نوره الداخلية ومحاولاتها المستمرة للنجاة في الحياة الغريبة، تحكينا نوره عن تجربتها في انها تصارع الأنا حقتها المهووسة بالمثالية والتسويف المصادر (عشان لحد يقول هبد): TheNewyorkTimes.com Goodtheraphy.com

حكيتكم اليوم عن تجربتي مع الانفصال عن الواقع والحياة كمشاهد ومتفرج ومحاولاتي الدائمة في اني اتفاعل وأشارك في مسلسل الحياة

أحيانًا ننسى أنفسنا ونترك باب السطوح مفتوح، وبالتالي تنتهك مساحتنا الشخصية ونصحى نلاقي السطوح فجأة مليان ناس بتستخدم سطوحنا بدون أي اعتبار لنا! في الخامسة بنتكلم عن حدودنا الشخصية والفرق بينها وبين الحواجز الاندفاعية استمتعوا 🏙💜