Issittumi Psykologit Podcast
0 Favorites
Psykologi toqqavigalugu inuunermi aqqusaarneqarsinnaasut, unamminarsinnaasut, isiginnittariaatsit iliuuserineqarsinnaasullu assigiinngitsut sammisassuagut. Qulequttanik assigiinngitsunik eqqartuinerit aqqutigalugit nunatsinni innuttaasunut ikiuerusunneq siunertaavoq.
Location:
United States
Description:
Psykologi toqqavigalugu inuunermi aqqusaarneqarsinnaasut, unamminarsinnaasut, isiginnittariaatsit iliuuserineqarsinnaasullu assigiinngitsut sammisassuagut. Qulequttanik assigiinngitsunik eqqartuinerit aqqutigalugit nunatsinni innuttaasunut ikiuerusunneq siunertaavoq.
Language:
English
Episodes
Qanoq Ittuussusermut Akornutaasinnaasut
5/15/2024
Psykologit Aviaq Kleist Sethsen, Mia Olsvig Møller aamma Taitsiannguaq Tróndheim eqqartorpaat qanoq ittuussusermut ilaatigut akornutaasinnaasartut. Assigiinngitsunik qanoq ittuussuseqartarpugut. Ilaatigullu qanoq ittuussuserput minnerusumik annerusumilluunnit sunnerteqqasinnaasarpoq. Taamaatsilluni inoqatitsinnut attaveqarniarnerput sapernarnerulersinnaasarpoq inuunitsinnilu sunniuteqangaatsiarluni. Qanoq ittuussuseq aamma kinaassuseq assigiinngitsorpassuatigut eqqartorneqarsinnaasarpoq. Uani immiussami isiginnittariaaseq ataaseq saqqummiupparput.
Duration:01:12:13
Kanngusunneq
5/1/2024
Psykologit Anja Strunz, Mia Olsvig Møller aamma Taitsiannguaq Tróndheim eqqartorpaat kanngusunneq aamma pisuusutut misigineq (skam og skyld). Kanngusunneq pisuusutullu misigineq inuunitsinni qanoq sunniuteqarsinnaappat? Qanoq iluaqutissartaqarpat? Killormullu qanoq kingunerlutsitsisinnaappat? Apeqqutit tamakku ilaatigoorlugit sammivagut.
Duration:01:10:19
Persuttaaneq
4/17/2024
Psykologit Mia Olsvig Møller aamma Taitsiannguaq Tróndheim persuttaaneq eqqartorpaat. Persuttaanerit assigiinngitsut suuppat, qanorlu kinguneqarsinnaappat?
Duration:01:12:54
Seksualiteti Peqqinnartoq Imm. 2
4/3/2024
Psykologit Mia Olsvig Møller aamma Taitsiannguaq Tróndheim eqqartorpaat seksualiteti peqqinnartup nanginnera. Suut sulinitsinni takukkajuttarpagut? Kalaallit Nunaanni misissuineq qanoq takussutissartaqarpa?
Duration:01:08:18
Seksualiteti Peqqinnartoq Imm. 1
3/20/2024
Psykologit Mia Olsvig Møller aamma Taitsiannguaq Tróndheim eqqartorpaat seksualiteti peqqinnartoq. Sunaava seksualiteti? Inuunitsinnut qanoq sunniuteqarsinnaava? Seksualiteti peqqinnanngittoq qanoq isikkoqarsinnaava?
Duration:01:01:58
Pinngitsuuisinnaajunnaarneq
3/6/2024
Psykologit Aviaq Kleist Sethsen, Mia Olsvig Møller aamma Taitsiannguaq Tróndheim eqqartorpaat assigiinngitsutigut pinngitsuuisinnaajunnaartarneq. Sooruna pinngitsuuisinnaajunnaartartugut? Qaqugukkut atuisuunerua, qaqugukkullu pinngitsuuisinnaajunnaarnerua? Suut iluaqutaasinnaappat? Apeqqutit tamakku ilaatigoorlugit sammivagut.
Duration:01:10:03
Aappariinnermi Attaveqaqatigiinneq
2/21/2024
Psykologit Aviaq Kleist Sethsen, Mia Olsvig Møller aamma Taitsiannguaq Tróndheim eqqartorpaat aappariinnermi attaveqarnikkut/oqaloqatigiinnikkut aporfiusarsinnaasut unamminarsinnaasullu. Qanoruna attaveqatigiinnerit assigiinngissinnaasut? Qanoruna aamma imminut naapeqatigiinneq anguniarneqarsinnaasoq?
Duration:01:03:42
Annilaanganerujussuaq - Angst
2/7/2024
Psykologit Mia Olsvig Møller aamma Taitsiannguaq Tróndheim eqqartorpaat annilaangarujussuartarneq (angst). Angst sunarpiaasoruna? Qaqugukkut annilaangasarneq/ernumasarneq angstinnguuttarpa? Qanoq misigineqarsinnaava? Qanorlu ikiorserneqarsinnaava?
Duration:01:15:08
Meeqqat Mikisuuneranit Sunnerneqarsinnaanerat
1/24/2024
Psykologit Mia Olsvig Møller aamma Taitsiannguaq Tróndheim eqqartorpaat meeqqat inooqqaarneranit sunneeqataasinnaasut pitsaasut aamma ilaatigut pitsaavallaanngitsut. Suut ineriartornissaanut, toqqissisimanissaanut, tatiginnissinnaanissaanut allallu iluaqutaasinnaappat? Suullu ilaatigut akornutaasinnaappat?
Duration:01:01:04
Angajoqqaat Qimattut
1/10/2024
Psykologit Mia Olsvig Møller aamma Taitsiannguaq Tróndheim eqqartorpaat, angajoqqaat qimassimatillugit aqqusaarneqarsinnaasut. Meeqqanut suut kingunerluutaasinnaappat, suullu iluaqutaasinnaappat?
Duration:00:59:36
Meeqqat Atuarfimmi Atugarliortut
12/17/2023
Psykologit Mia Olsvig Møller aamma Taitsiannguaq Tróndheim eqqartorpaat, meeqqat atuarfimmi atugarliortarneri. Suunuku pissutaaqataasinnaasut? Suunuku unamminarsinnaasut aporfiusinnaasullu? Meeqqat ikiorniarlugit qanoq iliuuseqartoqarsinnaava?
Duration:01:03:20
Imminut Toquttarneq
7/2/2023
Psykologit Mia Olsvig Møller, Taitsiannguaq Tróndheim, Inuk Bourup Bang aamma Naja Lund Kielsen eqqartorpaat imminut toquttarneq. Kikkut imminut toqunnissamut eqqarsaateqarsinnaappat? Imminut toqunnissamut eqqarsaateqartilluni qanoq misigisoqarsinnaava? Imminut toqunnissamut eqqarsaateqaraanni nammineq qanoq iliortoqarsinnaava? Qanigisat qanoq iliorsinnaappat?
Duration:01:05:40
Toqu Annaasaqarnerlu
6/18/2023
Psykologit Mia Olsvig Møller, Taitsiannguaq Tróndheim aamma Inuk Bourup Bang eqqartorpaat toqu annaasaqarnerlu. Qanigisatsinnik annaasaqarsimatilluta inuuneq allanngorujussuartarpoq. Suut misigineqarsinnaappat? Qanorlu ingerlariaqqittoqarsinnaava?
Duration:01:00:20
Trauma Kingunerilu
6/4/2023
Psykologit Mia Olsvig Møller, Taitsiannguaq Tróndheim aamma Inuk Bourup Bang eqqartorpaat Trauma Kingunerilu. Trauma sunaava? Kinguneri aamma sunniutai suusinnaappat? Kingunerluutit suusinnaappat? Traumamik misigisimagaanni qanoq ikiorserneqarsinnaappat?
Duration:01:00:16
Kamak Peqqinnanngitsoq Peqqinnartorlu
4/10/2023
Psykologit Mia Olsvig Møller aamma Taitsiannguaq Tróndheim ullumikkut kamak eqqartorpaat. Kamak qanoruna isigineqarsinnaanersoq? Qanorlu kamak aqunneqalersinnaava? Qanoq peqqinnartumik kamak inissaqartissinnaavarput?
Duration:00:49:37
Misigissutsit Suuppat?
3/27/2023
Sooruna misigissutsit eqqartorneqartartut? Sumut iluaqutaassagami? Misigissutsit sunik siunertaqarpat?
Psykologit Mia Olsvig Møller aamma Taitsiannguaq Tróndheim taakku apeqqutit ilaatigut eqqartorpaat.
Duration:00:45:27
Aappariinneq Peqqinnanngitsoq
2/15/2023
Psykologit Mia Olsvig Møller, Taitsiannguaq Tróndheim, Inuk Bourup Bang, Anja Strunz eqqartorpaat, aappariinnermi peqqinnanngitsut aamma peqqinnartut pillugit eqqarsaatit.
Duration:01:03:06