Поткаст Зошто
News
Поткастот „Зошто“ нуди одговори на состојбите, проблемите, на темите кои ве мачат. Овој Поткаст не е како другите. Тука, вие ќе ги поставувате темите што ќе сакате да ги слушате секоја среда. Ние ќе ги повикуваме оние кои се одговорни, или оние кои можат да кажат како да се реши проблемот.
Location:
United States
Genres:
News
Description:
Поткастот „Зошто“ нуди одговори на состојбите, проблемите, на темите кои ве мачат. Овој Поткаст не е како другите. Тука, вие ќе ги поставувате темите што ќе сакате да ги слушате секоја среда. Ние ќе ги повикуваме оние кои се одговорни, или оние кои можат да кажат како да се реши проблемот.
Language:
Macedonian
Episodes
Зоолошката не е циркус
5/29/2024
Мора да ги сакате животните за да работите со нив, вели Војо Иванов во Поткастот Зошто и објаснува дека нему му се фамилија и птиците и пингвините и мајмуните за кои се грижи. Разочаран е што не се модернизира Зоолошката градина во Скопје, која за две години ќе одбележува 100 години од основањето.
Duration:00:22:54
Нелегалната трговија со дрвја е светски бизнис број три
5/22/2024
Сите чинители кои не се дел од шумарството сметаат дека целокупниот апарат за заштита на шумите од нелегална сеча е нефункционален, но јас мислам дека многу често ги критикуваме иако многу фактори, влијаат врз таквата состојба, вели Сашко Петровски, еден од основачите на Регионалниот центар за шумарство и рурален развој Рефорд. Со него зборуваме и за криминалните групи и корупцијата која е распространета во овој бизнисот со нелегална сеча на шуми.
Duration:00:19:25
Лекарите заминуваат од очај
5/15/2024
Не гледаме дека државата сака да останеме, дека сме и потребни, вели младата лекарка, Соња Граждани. Работела и чекала вработување на Клиниката, без здравствено осигурување и платено породилно отсуство, а има тримесечно бебе. Најфрустрирачки е што критериум за вработување е прво партискиот грб.
Duration:00:18:03
Мотоциклот е слобода за одговорни моторџии
5/8/2024
Тоа е страшно. Бев во САД, во Флорида и на едно дружење една госпоѓа од клубот ми рече „Знаете што, тие што не носат кацига тука ние ги викаме донатори на органи“, вели Драган Малиновски познат антикорупционер, адвокат и моторџија кој повикува на почитување на пишаните и непишаните правила за однесување во сообраќајот.
Duration:00:16:24
Квизаџиството е џентлменски спорт
5/1/2024
„Денеска кај нас се развива квизаџиството. Има се повеќе млади и паметни квизаџии и тоа е во подем,“ вели во Поткастот Зошто Зоран Јорданов еден од најпознатите македонски квизаџии, творец, уредник и учесник на квизови на Балканот
Duration:00:17:38
Гласни и радикални
4/17/2024
Политичките елити заради свои интереси ги поделија младите по етничка и партиска основа, вели активистот Бленди Ходаи. Верува дека младите може да се обединат пред се за радикални реформи на образованието. Во Поткастот Зошто зборува како младите луѓе да станат гласни и авангарда во државата.
Duration:00:18:23
Не го злоупотребувајте „Најди ме“
4/10/2024
„Најди ме“ или Амбер алерт е систем за рано предупредување за исчезнати деца“, но некои го злоупотребуваат. Свекрва пријавува снаа за исчезната а таа заминала кај мајката или девојка пријавува момче а тие раскинале. Но ситемот споделува само потврдени информации од МВР, вели во Зошто Наташа Доковска, новинарка и Програмски директор на невладината организација „Новинари за човекови права
Duration:00:15:30
Автор, а не актер во сопствениот живот
4/3/2024
Зошто граѓаните на избори гласаат повеќе „против“ отколку „за“? Им треба ли тренинг за личен развој на политичките лидери? Зошто жртва наместо слобода на избор? Одговорите во Зошто ги бараме од Ида Протуѓер, која новинарството го замени со life coaching или тренер за личен и организациски развој.
Duration:00:19:41
Сè нешто ќе биде, а сè е пoсмешно
3/27/2024
Жарко Јовановиќ во Зошто. Млад дечко глумец – кумановец, стенд ап комичар. Еден од онаа млада глумечка гарда која успева да ја насмее публиката и во тмурни времиња. Зошто му е смешна политиката и политичарите, па ни ги нуди и на сатиричен начин, во живо, на интернет или на ТВ.
Duration:00:16:31
Град по мерка на политичарите
3/20/2024
Нашите колеги, архитекти, кои ја воделе архитектурата на градот и државата во времето на СРМ го имале целиот дигнитет на професијата и слобода да одлучуваат. Не може да сме полоши од нив. Полошо е само опкружувањето сега за практикување архитектура, вели архитектот Бујар Муча во Поткастот Зошто
Duration:00:20:02
Платена политичка програма поинаков начин на корупција
3/13/2024
„Сега државата всушност им дава пари на партиите и преку нив се влеваат во медиумите и значи на поинаков начин има еден вид корупција, вели во Зошто познатиот македонски новинар и Претседател на Комисијата за жалби при Советот за етика Мирче Адамчевски. Со него разговараме и за новинарството и за улогата на Советот за Етика како тело за морални санкции за да се заштити јавноста од неквалитетни новинари
Duration:00:17:32
Изнудени подароци
3/6/2024
Еуфоријата за подароци на 8 март како да нема граници. Професорката по македонски јазик Татјана Алексиќ во поткастот Зошто вели дека загрижува што сега децата се гледаат низ призмата на материјалното. Таа забранува да и се носат подароци, но иницира хуманитарни акции заедно со своите ученици.
Duration:00:19:57
Цензурата е минато
2/28/2024
Ние сме бомбардирани со илјадници информации и денеска техниките на манипулирање со јавноста не се врзуваат со цензурата. Цензурата не е возможна, не можете да блокирате информација, ќе се појави, вели Михајло Лахтов, експерт за медиуми. Во Зошто зборуваме и за пропагандата и „инстант вистините“ .
Duration:00:20:44
Корупцијата цвета бидејќи не се казнува
2/21/2024
„Тука ризикот да украдете нешто и ризикот да одговарате и да одите во затвор се сведува практично на нула. Затоа корупцијата е кај нас високо и широко распространета исплатлива дејност и последиците се таму од каде што се земени парите“, вели Герман Филков за поткастот Зошто. Со него разговараме и за ефектите од работата на Центарот за граѓански комуникации, за црните листи на САД и извештаите на ЕУ.
Duration:00:19:46
Жена во премиерската фотелја - има ли шанси?
2/14/2024
Duration:00:19:00
На Вулкан со велосипед
2/7/2024
Во земјава има млади луѓе, кои се обидуваат да направат нешто, за себе и за општеството. Еден таков човек најдовме на социјалните мрежи. Тоа е Никола Нешкоски, планинар, велосипедист, екологист и едукатор. Со него во поткастот Зошто разговараме за задоволствата, успесите но предизвиците со кои тој се соочува во остварувањето на неговата мисија.
Duration:00:16:04
Кој ќе биде заменет од робот?
1/31/2024
Во држава без дигитализација и документи уште се вадат на шалтер, со турканици, кој размислува за вештачка интелигенција? А ВИ го освојува светот. Комуниколот Бојан Кордалов во Зошто зборува колку се користат овие алатки, за укинување работни места, но и дали ќе „учествуваат“ во изборните кампањи.
Duration:00:18:00
На политиката и затвораме врата
1/24/2024
Добро е кога можеш да споделиш нешто, а многу луѓе околу тебе тоа го споделуваат, вели Виктор Петров – Викса популарен водител на Радио Сити во Поткастот Зошто на Слободна Европа. Со Викса разговараме за Радиото како медиум денеска, вчера и во иднина. Радиото , вчера и денеска, не е исто. За Викса Радиото е друштво на луѓе што знаат да бидат во друштво.
Duration:00:17:48
Герила контра поданици
1/17/2024
Партиските поданици се помалку од граѓаните кои можат да решат да ги земат работите во свои раце, иако практикувањето на ова демократско право е уште во зародиш. Активистот Никола Писарев во поткастот Зошто зборува за герила акциите, но и за „заморот“ и разочарувањето после Шарената револуција.
Duration:00:20:04
Тивки наставници и погрешни вредности
1/10/2024
„Отсекогаш ми било многу поважно какви луѓе ќе станат моите ученици отколку какви оценки ќе добијат на тестовите“, вели за „Зошто“ Наде Молеровиќ долгогодишен просветен работник, директорка во две основни училишта која никогаш не престанала да биде учител.
Duration:00:18:35