Mahlakung

#Mahlakung –Phetola o botša Tumi gore o tseba batho bao ba bego ba mo tšhabišitše, gomme o ya go ba bolaya.Potšišo ke gore o ya go ba humana bjang?

#Mahlakung –Sophia o hlakahlakane gore ngwana wa gagwe o nyaka go tla Mahlakung ,gomme botša Malehu gore o nale letšhogo la gore o tlo tseba ka bophelo bjo a bo phelago mo Mahlakung.Naa o tla kgona go phela gabotse ka lethabo le ngwana yo wa gagwe ra bona a eba mma wa maikarabelo goba bjang?

#Mahlakung –Saki o botša Masedi gore dikgolo di sa etla, go sa tlo senyega le go feta. Naa Saki o hlatha eng ka se a se mmotšago sona?

#Mahlakung- Petronella o botšološa Matsobane gore o sa šomišana le Santara naa, Matsobane o kwagala a tšhaba ka nnete.Naa go reng Matsobane a šireletša yo Santara?

#Mahlakung –Tumi o utswitše senthunya sa Masedi go ya go hlakodiša malome wa gagwe Phetola le Saki moo ba tšhabišeditšwego gona. Naa Tumi o tla e beša wa tuka?

#Mahlakung –Saki o bona mošemanyana a le koloing ya Phetola a swaraswara mabati a koloi ya Phetola, morago Phetola o a hlakahlakana ge a otlela, ge a emiša koloi gore Saki a otlele, ba šupiwa ka dithunya, ba išwa lefelongtsoko leo Saki a sa le tsebego a rego ke lefelo la meago ye metelele. Naa go diragala eng mo?

#Mahlakung –Robert o botša Bra Bizza gore a be le batho gore go be le bohlatse bja gore go timelelela ga Phetola go se gononelwe yena? Naa ke gona ge go fedile ka Phetola?

#Mahlakung –Moruti Kgole o dumelelana le taba ya gore Hlapyadi a iše Mmutlanyana go Malehu gore ba dire gore a lebale ka ba ga Mabona, ka ge a re Hlapyadi o lwela seo e lego sa gagwe. Naa go tla sa bjang ka lapeng la ga Kgole, ka gore tše di dirwago, ga di kgahle Millicent le gatee?

#Mahlakung- Jonjon le Mabatho ba a kgakgana ka lebaka la taba ya gore Mabatho o rata go rwala maikarabelo bjalo ka Morutišigadi, wa go šireletša barutwana kgahlanong le diokobatši, gomme re kwa Jonjon a ngaletša a mmotša gore a sepele yena o tla istholela.Naa phošo ya Mabatho e kae ge a rata go boloka bokamoso bja bana, gona Jonjon o reng a sa thekge mosadi wa gagwe maikarabelong a gagwe bjalo ka morutiši?

#Mahlakung –Titi o botša Rethabile gore o ya go nyaka tshedimošo ya gore Robert o bookelong bofe gore a mo feleletše.Rethabile o a mo šireletša o mmotša gore “E sego ka monna wa ka” Naa Rethabile o hlagelwa eng, gona o ya go feleletša kae ka go emelela yo Robert?

#Mahlakung –Petronella o lemoša Rethabile gore Robert ga a mo rate le gannyane ka ge a ile a ratana le Sophia a dutše a re o ratana le yena.Naa gantšhi ke eng seo se dirago gore batho ba basadi ba no kgotlelela goba ka gare ga dikamano tšeo ba kwešwago bohloko.Ba šitišwa ke eng go tšwa ka gare ga tšona?

#Mahlakung –Malehu o botša Mpedi gore Monica o mmoditše gore Afios a ka no hlakana hlogo nako efe goba efe.Mpedi o mo fetola ka la gore ge eba ke nnete,yena o kwatama ka dikhuru gore a hlakane hlogo ka nnete.Naa nkane Mpedi a dio akela Alfios madimabe a ma kaa a gore a hlakane hlogo?

#Mahlakung –Alfios o botša Matsobane gore ba swanetše go ya go mongaka Malehu go hlapišwa ka ge ba bolaile batho ba ba ntšhi go la Gauteng.Matsobane o mmotša gore yena ga a gopole a ba laela go bolaya batho ka ge a tsebile gore Santara o tla mo thuša go humana Rethabile.Naa se se hlatha eng go Alfios le Phetola?

#Mahlakung- Masedi o tšhogile gore Robert a ka bolaya tatagwe Phetola, gomme Saki o mmotša gore Robert ge a re o dira taba o a e dira, le morago a sa lebelele. Naa a ka e dira taba ya go golega Phetola yo Robert, goba o tla hlakana le dipela di thotha?

#Mahlakung –Petronella o sola gore Robert go nale seo a se dirilego Rethabile ka ge Rethabile a sa dumele gore o be a golegilwe ke yena.Naa ka nnete Rethabile o nale bothata bja monagano goba o hlagelwa ke eng?

#Mahlakung –Mma Moruti Kgole , Sister Millicent, o botša Moruti Kgole gore o ya go rapa bomma ba merapelo gore ba be kgahlanong le go tla ga Matsobane kerekeng ya bona nakong ya mohlakano wa dikereke kamoka ka Paseka.Naa Millicent o tla e kgona taba ye ya go thibela Moruti Mabona go tla kereng ya bona go ba le baruti le maloko a diphuthego tše dingwe?

#Mahlakung –Bra Bizza o laela Robert mogaleng gore yena le Chipa ba golege Phetola. Naa morero wa Bra Bizza ka Phetola ke ofe?

#Mahlakung –Konstabel Mpedi o botša Alfios gore batho bao ba bolailwego nakong ya mothuntšhano wa ge go lokollwa Rethabile, ba bolailwe ka dithunya tša maphodisa. Naa batho ba ba bolailwe ke maphodisa goba ke Phetola le Alfios. Ge eba ke Phetola la Alfios, dithunya tša maphodisa di tsena kae?

#Mahlakung- Moruti Kgole o rile go rapela le Matsobane a hlakahlakana, Mma Moruti Kgole,Sister Millicent, o mmotša gore Matsobane o mmethile ka mosela wa Santara. Naa ke eng se segolo seo se dirago gore batho kamoka bao Matsobane a ba rapelelago goba ba rapelago le yena ba hlakahlakane?

#Mahlakung –Tumi o botša Saki gore go nale seokobatši seo se dirilwego bjalo ka lelekere.Naa go nale seo se ka dirwago go phološa baswa ba rena go ikhumana e le batšwa sehlabelo ba tagi ye e swanago le lelekere?