Report

RFI

គឺជាការចាប់អារម្មណ៍ និងការក្រឡេកមើល ទៅលើបញ្ហានយោបាយ សង្គម ឬសេដ្ឋកិច្ច នៃប្រទេសកម្ពុជាបច្ចុប្បន្ន។ កម្មវិធីនេះ រៀបចំដោយអ្នកឆ្លើយឆ្លងព័ត៌មានរបស់យើង នៅភ្នំពេញ ហើយនឹងត្រូវចាក់ផ្សាយ ជារៀងរាល់ថ្ងៃ ពីថ្ងៃចន្ទដល់ថ្ងៃអាទិត្យ។

Location:

France

Genres:

News & Politics Podcasts

Networks:

RFI

Description:

គឺជាការចាប់អារម្មណ៍ និងការក្រឡេកមើល ទៅលើបញ្ហានយោបាយ សង្គម ឬសេដ្ឋកិច្ច នៃប្រទេសកម្ពុជាបច្ចុប្បន្ន។ កម្មវិធីនេះ រៀបចំដោយអ្នកឆ្លើយឆ្លងព័ត៌មានរបស់យើង នៅភ្នំពេញ ហើយនឹងត្រូវចាក់ផ្សាយ ជារៀងរាល់ថ្ងៃ ពីថ្ងៃចន្ទដល់ថ្ងៃអាទិត្យ។

Language:

Khmer

Episodes

លោក សន សៀប៖ពីភ្នាក់ងារអលនវត្ថុប្រាក់ខែ១៥០$ក្លាយជាប្រធានសមាគមវាយតម្លៃអចលនទ្រព្យ

6/6/2023

នៅក្នុងនាទីជីវិតជោគជ័យរបស់វិទ្យុបារាំងអន្តរជាតិRFI នៅពេលនេះ អ៊ឹង ប៊ុនថន សូមបង្ហាញពីប្រវត្តិរបស់លោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា។ មានអាយុ៤៣ឆ្នាំលោកក៏ជាប្រធានក្រុមប្រឹក្សាភិបាលក្រុមហ៊ុនអចលនទ្រព្យចំនួន២ទៀត បន្ទាប់ពីបានចូលប្រឡូកវិស័យនេះប្រមាណ២០ឆ្នាំ។

Duration:00:12:24

ប៉ារ៉ាហ្គេមលើកទី១២៖ ម្ចាស់ផ្ទះកម្ពុជារំពឹងថានឹងដណ្ដើមបានមេដាយជាង៥០គ្រឿង

6/5/2023

ក្នុងនាមជាម្ចាស់ផ្ទះនៃការរៀបចំព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ លោក យី វាសនា អគ្គលេខាធិកានៃគណៈកម្មាធិការជាតិប៉ារ៉ាឡាំពិកកម្ពុជា បានដាក់ក្ដីរំពឹងថា កម្ពុជានឹងដណ្ដើមបានមេដាយប្រមាណ ៥៦គ្រឿង។ បើតាមលោក យី វាសនា កីឡាករកីឡាការិនីជនពិការកម្ពុជា នៅមានតម្រូវការបន្ថែមទៀត ដើម្បីត្រៀមការប្រកួតដណ្ដើមយកមេដាយក្នុងព្រឹត្តិការណ៍កីឡាអាស៊ានប៉ារ៉ាហ្គេមខាងមុខ ដែលប្រទេសអាស៊ានផ្សេងៗរៀបចំ។

Duration:00:08:37

អាស៊ានប៉ារ៉ាហ្គេម៖គេទើបដឹងថា ជនមានពិការភាពអាចលេងកីឡាបានច្រើនទម្រង់

6/4/2023

អ្នកចូលទស្សនាព្រឹត្តការណ៍អាស៊ានប៉ារ៉ាហ្គេមលើកទី១២នៅថ្ងៃទី០៣មិថុនាម្សិលមិញគេទើបដឹងថា ជនមានពិការភាពអាចលេងកីឡាបានច្រើនទម្រង់ដូចជាៈ បាល់បោះអង្គុយ បាល់ទះអង្គុយ បោះប៊ូ វាយកូនឃ្លីលើតុ យូដូ លើកទម្ងន់ ហែលទឹក ជាដើម។ បន្ថែមលើនេះព្រឹត្តការណ៍អាស៊ានប៉ារ៉ាហ្គេមនៅកម្ពុជាធ្វើឡើងនៅក្នុងបរិបទបញ្ឈប់ការរើសអើងលើជនមានពិការភាព។ ជនមានពិការភាពបានក្លាយជាគំរូផ្នែកសតិអារម្មណ៍ដល់អ្នកមានកាយសម្បទាគ្រប់គ្រាន់។ នេះជាកំណត់សម្គាល់របស់មហាជនចូលរួមបើកព្រឹត្តការណ៍បើកព្រឹត្តការណ៍អាស៊ានប៉ារ៉ាហ្គេមលើកទី១២។

Duration:00:07:53

លោក ម៉ក់ រ៉េមីស្សា ជាសិល្បករផ្នែកថតរូបទទួលបានមេដាយពីក្រសួងវប្បធម៌បារាំង

6/3/2023

មានជំនាញខាងសិល្បករផ្នែកថតរូប លោក ម៉ក់ រ៉េមីស្សា ជាកូនខ្មែរមួយរូប ត្រូវក្រសួងវប្បធម៌បារាំង ផ្ដល់មេដាយសិល្បៈ និងអក្សរសាស្រ្ត ថ្នាក់អស្សប្ញទ្ធិ ដែលមានការទទួលជាឯកច្ឆន្ទលើឆាកអន្តរជាតិ។ បើតាមស្ថានទូតបារាំងប្រចាំកម្ពុជា មេដាយនេះ គឺជាការឧទ្ទិសដល់ការងារថតរូបរបស់លោក ម៉ក់ រ៉េមីស្សា រយៈពេល២៥ឆ្នាំ ប្រកបដោយគុណភាពខ្ពស់ និងមានលក្ខណៈសិល្បៈដ៏ល្អកម្រមាន ព្រមទាំងឆ្លុះបញ្ចាំងពីប្រវត្តិសាស្ត្រ និងវប្បធម៌កម្ពុជា។ បើតាម លោក ម៉ក់ រ៉េមីស្សា ទម្រាំមានការទទួលស្គាល់ស្នាដៃរបស់លោកជាឯកច្ឆន្ទលើឆាកអន្តរជាតិ លោកបានប្រើពេលធ្វើការងារនេះ និងបានធ្វើការផ្សព្វផ្សាយអំពីស្នាដៃរបស់ខ្លួនលើឆាកអន្តរជាតិជាច្រើនឆ្នាំមកហើយ។

Duration:00:09:50

លោក អូត ឡាទីន៖ កត្តាមួយចំនួន និងការវិភាគរបស់លោកបណ្ឌិត កែម ឡី ជាការជំរុញឲ្យខ្ញុំធ្វើកិច្ចការងារសង្គម និងបរិស្ថាន

6/2/2023

នៅក្នុងនាទីជីវិតជោគជ័យថ្ងៃនេះ សេង បារាំង សូមបង្ហាញពីប្រវត្តិរបស់លោក អូត ឡាទីន ជាយុវជនធ្វើកិច្ចការងារសង្គម និងបរិស្ថាន ដែលបច្ចុប្បន្នជាមន្រ្តីសម្របសម្រួលគម្រោងនៃសមាគមបណ្ដាញយុវជនកម្ពុជា (CYN)។ ការប្រឡូកធ្វើកិច្ចការងារសង្គម និងបរិស្ថាននេះ លោក អូត ឡាទីន ចាប់ផ្ដើមតាំងពីឆ្នាំ២០១៤ ក្នុងអំឡុងពេលរៀនបរិញ្ញាបត្រនៅភ្នំពេញមកម្លេះ ហើយកត្តាជំរុញឲ្យលោកធ្វើកិច្ចការងារនេះ គឺមានកត្តាមួយចំនួន និងដោយសារតែលោកស្ដាប់ការវិភាគរបស់លោកបណ្ឌិត កែម ឡី និយាយអំពីតួនាទីរបស់យុវជននៅក្នុងសង្គម។

Duration:00:17:54

ប៉ារ៉ាហ្គេម៖ វិន វិចិត្រ សង្ឃឹមយកមេដាយមាសជូនប្រជាជនកម្ពុជាទាំង១៧លានាក់

6/2/2023

វិន វិចិត្រ ជាអត្តពលិកប៉ារ៉ាហ្គេមម្នាក់ដែលត្រៀមប្រកួតលើវិញ្ញាសារបាល់ទាត់ផ្នែកបុរសនៅគ្រាដែលកម្ពុជាធ្វើជាម្ចាស់ផ្ទះរៀបចំព្រឹត្តការណ៍អាស៊ានប៉ារ៉ាហ្គេមនៅថ្ងៃទី៣ឧសភា។ បើទោះជាមានពិការភ្នែក តែ វិន វិចិត្រ មានកាយសម្បទាមាំមួន ដោយសុតគ្រាប់បាល់ចូលទីមិនចាញ់អ្នកភ្នែកភ្លឺឡើយ។ វិចិត្រប្រាប់ថា គេឈានជើងចូលវិស័យកីឡាលើកដំបូងស្របពេលដែលកម្ពុជាធ្វើជាម្ចាស់ផ្ទះរៀបចំព្រឹត្តការណ៍នេះជាលើកដំបូងដែរ។ វិចិត្រ សង្ឃឹមយកមេដាយមាសជូនប្រជាជនកម្ពុជាទាំង១៧លានាក់។

Duration:00:07:22

លោក ឈុន ប៊ុនថន៖ បង្ហើបក្ដីស្រមៃចង់បង្កើតក្លឹបបង្ហាត់រត់ចម្ងាយ

5/31/2023

"បើមិនដាច់ដង្ហើមលើទីលានទេ នោះមិនមែនជាភាពបរាជ័យរបស់ខ្ញុំឡើយ" នេះជាប្រយោគមួយឃ្លាដែលលោក ឈុន ប៊ុនថន ទន្ទេញជាប់នៅក្នុងចិត្តរហូតក្លាយម្ចាស់មេដាយមាសរត់ចម្ងាយលើវិញ្ញាសារត់៨០០ម៉ែត្រ។ បន្ទាប់ពីទទួលបានមេដាយមាសជាលក្ខណៈអន្តរជាតិ លោកបានបង្ហើបក្ដីស្រមៃចង់ក្លាយជាគ្រូបង្វឹកបង្ហាត់លើវិញ្ញាសារត់ចម្ងាយ តាមរយៈការបើកក្លឹបបង្ហាត់ផ្ទាល់ខ្លួន។ លោក ឈុន ប៊ុនថន បានចាត់ទុកកីឡារត់ប្រណាំងជាអាយុជីវិត។ បើតាមលោកប៊ុនថន ជីវិតដែលមានសុខភាពល្អគឺត្រូវលេងកីឡា។

Duration:00:08:30

កីឡាករ ព្រំ សំណាង៖ ខ្ញុំចូលហាត់ប្រដាល់ដើម្បីបំពេញបំណងឪពុកជាយោធិនពលី

5/30/2023

នៅក្នុងនាទីជីវិតជោគជ័យថ្ងៃនេះ អ៊ឹង ប៊ុនថន សូមបង្ហាញពីប្រវត្តិរបស់អ្នកប្រដាល់គុនខ្មែរ ព្រំ សំណាង។ មានអាយុ៣៨ឆ្នាំ ម្ចាស់មេដាយមាសស៊ីហ្គេមរូបនេះ បានធ្វើឲ្យបំណងរបស់ឳពុកខ្លួនបានសម្រេចហើយ។ លើសពីនេះរូបគេក៏បានប្រែក្លាយជីវិតក្រីក្រដែលមានតែម៉ូតូចាស់មួយគ្រឿងកាលពីជាង១០ឆ្នាំមុនរហូតដល់មានរថយន្ត និងផ្ទះផ្ទាល់ខ្លួនរស់នៅសមរម្យ បន្ថែមពីលើកេរ្តិ៍ឈ្មោះដែលមានស្រាប់។

Duration:00:08:56

បោះឆ្នោតថ្នាក់ជាតិ៖ អ្នកធ្វើការងារបរិស្ថានចង់ឲ្យមានគោលនយោបាយគាំពារបរិស្ថាន ខណៈគណបក្សខ្លះប្ដេជ្ញាធ្វើរឿងនេះ

5/29/2023

បញ្ហាបរិស្ថាន និងធនធានធម្មជាតិនៅកម្ពុជា ក្រុមយុវជនដែលធ្វើការងារបរិស្ថាន ពួកគេចង់ឲ្យគណបក្សនយោបាយមានគោលនយោបាយគាំពារបរិស្ថាន សម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣។ ការចង់ឃើញនេះ បានធ្វើឡើងនៅក្នុងវេទិកាទិវាបរិស្ថានពិភពលោកឆ្នាំ២០២៣ ដែលរៀបចំដោយអង្គការសមាគម នៅថ្ងៃទី២៩ ឧសភា។ គណបក្សនយោបាយដែលចូលរួមនៅក្នុងវេទិកាទិវាបរិស្ថានពិភពលោកឆ្នាំ២០២៣ រៀបចំដោយអង្គការសមាគម ពួកគេក៏មានគោលនយោបាយ ហើយក៏បានបង្ហាញជំហរ និងឆន្ទះ សម្រាប់គាំពារបរិស្ថាន និងធនធានធម្មជាតិនៅកម្ពុជាផងដែរ។

Duration:00:12:06

អត្តពលិកប៉ារ៉ាហ្គេមចង់ឃើញមហាជនផ្ដល់ការគាំទ្រពួកគេដូចអត្តពលិកស៊ីហ្គេម

5/28/2023

អត្តពលពិកប៉ារ៉ាហ្គេមកំពុងតែបង្កើនល្បឿនហាត់ពត់លត់ដំកម្លាំងដើម្បីត្រៀមប្រកួតកីឡាអាស៊ានបារ៉ាហ្គេមដែលកម្ពុជាធ្វើជាម្ចាស់ផ្ទះនៅថ្ងៃទី៣-៩មិថុនាឆ្នាំ២០២៣។ អត្តពលិកប៉ារ៉ាហ្គេមចង់ឲ្យមហាជនផ្ដល់ការគាំទ្រពួកគេដូចអត្តពលិកស៊ីហ្គេម។

Duration:00:09:16

កសិករតវ៉ា៖ ក្រុមលោក ថេង សាវឿន ចេះតែបង្រៀនឲ្យកសិករចេះធ្វើកសិកម្មមិនប្រើថ្នាំគីមី មិនដែលញុះញង់ឲ្យធ្វើបដិវត្តទេ

5/27/2023

កសិករមកពីបណ្ដាខេត្តផ្សេងៗគ្នា ពួកគេបានមកស្នាក់នៅវត្តសាមគ្គីរង្សី រាជធានីភ្នំពេញ ដើម្បីធ្វើការតវ៉ាទាមទារឲ្យដោះលែងលោក ថេង សាវឿន ប្រធានសមាគមសម្ព័ន្ធកសិករកម្ពុជា (CCFC) និងសហការីចំនួន២រូបទៀត គឺលោក ញ៉ិល ភាព និងលោក ថាច់ ហាច ដែលត្រូវបានសមត្ថកិច្ចចាប់ឃាត់ខ្លួន និងតុលាការចោទប្រកាន់ថា រួមគំនិតក្បត់ និងបទចោទញុះញង់។ កសិករទាំងនេះ បានធ្វើការប្រមូលផ្ដុំតវ៉ានៅក្បែរក្រសួងមហាផ្ទៃ ដើម្បីសុំកិច្ចអន្តរាគមន៍ពីលោក ស ខេង រដ្ឋមន្រ្តីក្រសួងមហាផ្ទៃ ស្នើឲ្យមានការដោះលែង ដោយកសិករទាំងនេះ អះអាងថា លោក ថេង សាវឿន និងសហការី មិនដែលញុះញង់ឲ្យកសិករធ្វើបដិវត្តទេ មានតែបង្រៀនឲ្យកសិករចេះធ្វើកសិកម្មមិនប្រើប្រាស់ថ្នាំគីមីតែប៉ុណ្ណោះ។

Duration:00:07:31

រឿងសម្ដែងដោយលោកស្រី ឌីសា វ៉េត នឹងចាក់បញ្ចាំងក្នុងមហាស្រពភាពយន្តអន្តរជាតិកម្ពុជាលើកទី១២

5/25/2023

លោកស្រី ឌី សាវ៉េត តារាសម្ដែងជើងចាស់បានលេចមុខនៅក្នុងសន្និសីទសារព័ត៌មានស្ដីពីមហាស្រពភាពយន្តអន្តរជាតិកម្ពុជាលើកទី១២ នៅថ្ងៃទី២៤ឧសភាម្សិលមិញ នៅសណ្ឋាគារRosewood។ វត្តមានលោកស្រីដើម្បីចូលរួមរំលឹកស្នាដៃនិងរំលឹកដល់ លោក ហួយ គឹង ជាចាងហ្វាងនៃផលិតកម្មសុវណ្ណគីរីភាពយន្តដ៏ល្បីល្បាញនៅទសវត្សឆ្នាំ១៩៦០-១៩៧០។ ផលិតកម្មរបស់ លោក ហួយ គឹង កាលពីជំនាន់នោះបានអញ្ជើញ លោកស្រី ឌី សាវ៉េត ដើរតួសម្ដែងក្នុងរឿង«ធីតាសក់ពស់ឬនាងព្រាយសក់ពស់ នាងចំប៉ាថោង និងក្រៃថោងក្រពើឆារ៉ាវ៉ាន់។ រឿងទាំងបីនេះក៏នឹងត្រៀមចាក់បញ្ចាំង ក្នុងមហាស្រពភាពយន្តអន្តរជាតិកម្ពុជាលើកទី១២ក្នុងចំណោមភាពយន្តសរុប១៤៤ដែលនឹងចាប់ពីថ្ងៃទី៣០-០៤មិថុនា។ គេអាចស្វែងរកម៉ោងទស្សនាតាមទំព័រហ្វេសបុក Cambodia International Film Festival(CIFF)។ ងាកមកតួស្រី លោកស្រី ឌី សាវ៉េត ឯណេះវិញបញ្ជាក់ថា ក្នុងចំណោមរឿងទាំងបីនិងរឿងដទៃផ្សេងទៀត លោកស្រីស្រឡាញ់និងពេញចិត្តរឿង សម្ដែងជាមួយពស់និងក្រពើ ព្រោះតែការសម្ដែងជាមួយសត្វមានភាពអស្ចារ្យហើយថា ការសម្ដែងជាមួយមនុស្សដូចគ្នាជារឿងធម្មតាទៅហើយ។

Duration:00:08:23

គ្រឿងហ្លួងសាបារានាំរសជាតិបែបខ្មែរទៅក្រៅប្រទេស

5/24/2023

សិប្បកម្មផលិតគ្រឿងផ្សំម្ហូបសាបារាជាសិប្បកម្មមួយ ដែលត្រូវបានបង្កើតឡើងក្នុងអំឡុងពេលកម្ពុជាជួបនឹងជំងឺរាតត្បាតកូវីដ១៩។ បច្ចុប្បន្នសិប្បកម្មមួយនេះ បានកែច្នៃផលិតគ្រឿងផ្សំម្ហូបក្រោមស្តង់ដារចេញពីមន្ទីរពិសោធន៍ត្រឹមត្រូវ និងបានដាក់លក់នៅលើទីផ្សារក្នុងស្រុក។ មិនត្រឹមតែមានទីផ្សារក្នុងស្រុកទេ ប៉ុន្តែគ្រឿងហ្លូងសាបារា ក៏មានវត្តមាននៅលើទឹកដីក្រៅប្រទេសដែរ។

Duration:00:07:16

លោក ហឺវ ញ៉ាញ់៖ ពីអតីតក្មេងរើសសំរាមក្លាយជាផលិតករភាពយន្ត

5/23/2023

នៅក្នុងនាទីជីវិតជោគជ័យ ថ្ងៃនេះ អ៊ឹង ប៊ុនថន សូមបង្ហាញពីប្រវត្តិរបស់លោក ហឺវ ញ៉ាញ់ ជាផលិតករភាពយន្តម្នាក់នៅកម្ពុជា។ មានអាយុ ២៨ឆ្នាំ អតីតក្មេងរើសសំរាមនៅស្ទឹងមានជ័យរូបនេះ កំពុងប្រែក្លាយខ្លួនទៅជាម្ចាស់ផលិតកម្មភាពយន្តថ្មីមួយនាពេលខាងមុខ បន្ទាប់ពីប្រឡូកក្នុងវិស័យភាពយន្តអស់រយៈពេល៧ឆ្នាំ។

Duration:00:11:18

ផលិតផលធ្វើចេញពីស្នែងគោស្នែងក្របីទទួលបានការចាប់អារម្មណ៍ទាំងភ្ញៀវជាតិនិងអន្តរជាតិ

5/22/2023

សិប្បកម្មសុមនាផលិតផលស្នែង ជាសិប្បកម្មមួយដែលបានយកស្នែងគោស្នែងក្របី មកច្នៃធ្វើជាផលិតផលរបស់ប្រើប្រាស់ និងផ្សេងៗទៀត ចាប់ផ្ដើមទទួលបានការចាប់អារម្មណ៍ពីភ្ញៀវទេសចរជាតិ និងអន្តរជាតិ។ យ៉ាងណាមិញបើតាមអ្នកស្រី គួន ចិន្តា ដែលជាម្ចាស់សិប្បកម្មសុមនាផលិតផលស្នែង អ្នកស្រីបានបញ្ជាក់ថា ទម្រាំផលិតផលធ្វើចេញពីស្នែងគោស្នែងក្របី ទទួលបានការចាប់អារម្មណ៍ពីភ្ញៀវទេសចរជាតិ និងអន្តរជាតិ អ្នកស្រីត្រូវប្រើពេលធ្វើការផ្សព្វផ្សាយលក់ជាច្រើនឆ្នាំមកម្លេះ។

Duration:00:05:45

លោក យន់ វ៉ាន់ថន៖ ការរៀបចំឲ្យរមកកង់បីដឹកភ្ញៀវនៅមុខព្រះបរមរាជវាំងគឺបញ្ចៀសភាពរញ៉េរញ៉ៃ

5/20/2023

នៅមុខព្រះបរមរាជវាំង មានក្រុមរត់រមកកង់បីមួយក្រុម ពួកគាត់បានដាក់វេនគ្នាដឹកភ្ញៀវទេសចរម្ដងម្នាក់ នៅពេលដែលភ្ញៀវចេញពីដើរលេងកម្សាន្តទស្សនានៅក្នុងព្រះមរមរាជវាំង។ លោក យន់ វ៉ាន់ថន ដែលជាប្រធានគ្រប់គ្រងក្រុមរត់រមកកង់បីនៅមុខព្រះបរមរាជវាំង បានបញ្ជាក់ប្រាប់វិទ្យុបារាំង RFI ថា មូលហេតុដែលនាំឲ្យមានក្រុមរត់រមកកង់បីប្រចាំនៅមុខព្រះបរមរាជវាំង គឺដើម្បីបញ្ចៀសភាពរញ៉េរញ៉ៃកើតឡើង នាំឲ្យខូចសណ្ដាប់ធ្នាប់។

Duration:00:06:58

កញ្ញា ឃុត សំអន៖ ខ្ញុំចង់ឃើញកីឡា«សីស្លាបខ្មែរ»មានមុខលើឆាកអន្តរជាតិ

5/19/2023

នៅក្នុងនាទីជីវិតជោគជ័យរបស់វិទ្យុបារាំងអន្តរជាតិRFIនៅពេលនេះ អ៊ឹង ប៊ុនថនសូមណែនាំឲ្យស្គាល់កីឡាករនី «សីស្លាបខ្មែរ»ម្នាក់គឺកញ្ញា ឃុត សំអន។ មានអាយុ៣០ឆ្នាំ សំអន ចង់ឃើញកីឡា«សីស្លាបខ្មែរ»ត្រូវបានចូលជាសម្ព័ន្ធកីឡា និងមានមុខចូលរួមប្រកួតនៅលើឆាកអន្តរជាតិនាពេលខាងមុខ ខណៈដែលកីឡាមួយនេះមិនបានចូលរួមព្រឹត្តិការណ៍ស៊ីហ្គេមនៅកម្ពុជា។

Duration:00:12:04

លោក ដាវី ជូត្រលប់មកទីក្រុងកានក្នុងនាមជាមេប្រយោគរបស់មហោស្រពភាពយន្តអន្តរជាតិទី៧៦

5/19/2023

សមិទ្ធិករខ្មែរវ័យក្មេង លោកដាវី ជូបានវិលត្រលប់មកបង្ហាញមុខនៅក្នុងមហោស្រពភាពយន្តអន្តរជាតិកានសាជាថ្មី។ តាំងពីឆ្នាំ ២០២១ បីឆ្នាំជាប់គ្នា ដាវីជូបានទទួលការអញ្ជើញឲ្យដើរលើកម្រាលព្រំក្រហមរបស់មហោស្រពកាន ក្នុងនាមជាអ្នកដឹកនាំរឿង សមិទ្ធិករភាពយន្ត។ ខុសពីឆ្នាំមុន ដែលមានកុនរឿង “ត្រលប់ទៅសេអ៊ូល” ចូលរួមប្រកួតប្រជែងដណ្តើមរង្វាន់ Certain regard លោកដាវី ជូត្រលប់មកក្នុងមហោស្រពកានលើកនេះ នៅក្នុងនាមជាមេប្រយោគម្នាក់របស់មហោស្រពសម្រាប់។ ឈាង បុប្ផាបានជួបសម្ភាសន៍លោកដាវី ជូ ជានៅមហោស្រពកាន។

Duration:00:08:51

៦៤ឆ្នាំនៃការរងចាំស៊ីហ្គេមបានបិទបញ្ចប់ក្រោមដំណកភ្លៀង

5/18/2023

«មានការចាប់ផ្ដើមក៏មានការបញ្ចប់»នៅទីបំផុតព្រឹត្តការណ៍ស៊ីហ្គេមលើកទី៣២ដែលកម្ពុជារងចាំ៦៤ឆ្នាំបានបិទបញ្ចប់នៅល្ងាចថ្ងៃទី១៧ឧសភាម្សិលមិញដោយមានអ្នកចូលរួមមនុស្សរាប់ម៉ឺននា។ មុនកម្មវិធីបិទចាប់ផ្ដើមភ្លៀងធ្លាក់មួយមេ តែមិនបានបង្ករការរំខានដល់ដំណើរការកម្មវិធីនិងអ្នកទស្សនាឡើយ។ អ្នកទស្សនាភាគច្រើនស៊ូអង្គុយក្រោមដំណក់ភ្លៀងជាមួយនឹងសម្រែកងរំពងលាន់ឮពេញស្តាត។ បន្ទាប់ពីមេឃរាំងនិងស្រឡះដោយពពកខ្មៅផាត់ចេញអស់ កម្មវីធីជាបន្តបន្ទាប់ក៏បានចាប់ផ្ដើមរហូតការដុតកាំជ្រួតបិទបញ្ចប់កម្មវិធី នៅវេលាម៉ោង៩យប់។