SBS Tibetan

ཨོ་སི་ཊོ་ལི་ཡའི་ནང་མི་རྣམས་ལ་དུས་རྒྱུན་འཕྲོད་བསྟེན་ཞབས་ཞུ་ཡག་པོ་དང་སྨན་བཅོས་གོང་ཁེ་པོ་ཡིན་པའི་སྤྱི་པའི་འཕྲོད་བསྟེན་མ་ལག་ཅིག་ཡོད་ནི་ཨོ་སི་ཊོ་ལི་ཡའི་མི་རྣམས་སྐལ་བ་བཟང་པོ་ཡིན། མ་ཚད་མི་མང་གིས་སྒེར་གྱི་འཕྲོད་བསྟེན་ཉེན་སྲུང་ Private Health Insurance བཟོ་བའི་གདམ་ཀ་ཡང་ཡོད་པ་རེད། སྒེར་གྱི་འཕྲོད་བསྟེན་ཉེན་སྲུང་བཟོས་ཚེ་སྨན་པར་བསྟེན་གཏུགས་སྐབས་དུས་ཡུན་རིང་པོ་སྒུག་མི་དགོས་པ་དང་། སྨན་ཁང་དང་ཆེད་ལས་སྨན་པ་གདམ་ཀ་ཡང་བྱེད་ཆོག ཨོ་སི་ཊོ་ལི་ཡའི་མི་མང་བརྒྱ་ཆ་ལྔ་བཅུ་ང་ལྔས་འཕྲོད་བསྟེན་ཐེབས་རྩ་ནང་ཞུགས་ཡོད་པ་དང་། སྒེར་གྱི་འཕྲོད་བསྟེན་ཉེན་སྲུང་ཞབས་ཞུ་དེ་རང་ཉིད་ཀྱི་གནས་སྟངས་དང་འཚམ་པོ་ཡོད་མེད་བསམ་གཞིགས་དང་ཞིབ་འཇུག་བྱེད་ཆོག

ཨོ་སི་ཊོ་ལི་ཡ་གཞུང་གིས་ཨོ་སི་ཊོ་ལི་ཡ་དང་རྒྱ་གར་གཉིས་དབར་བར་སྣང་འཕུར་གྲུའི་བཟོ་བསྐྲུན་ལས་གཞི་ཞིག་མཉམ་འབྲེལ་ཆེད་ཨོ་སྒོར་ས་ཡ་ ༡༨ མ་རྩ་གཏང་རྒྱུ་ཡིན་སྐོར་གསལ་བསྒྲགས་བྱས་འདུག མ་དངུལ་དེ་ནི་ཨོ་སི་ཊོ་ལི་ཡར་བརྟེན་གཞི་བྱས་པའི་བར་སྣང་ཚལ་རྩལ་བཟོ་ཚོང་ཁང་ཁག་གིས་རྒྱ་གར་དང་མཉམ་ལས་བྱེད་ཆོག་གི་ཡོད་པ་དང་། རྒྱ་གར་ནི་ད་ལྟའི་ཆར་བར་སྣང་འཕུར་གྲུ་སོགས་ཀྱི་ཐད་བཟོ་ལས་ལག་རྩལ་ཡར་རྒྱས་མགྱོག་ཤོས་སུ་འགྲོ་མཁན་གྲས་ཤིག་ཆགས་ཡོད།

ཨོ་སི་ཊོ་ལི་ཡའི་ནང་ཁ་ཆེའི་གཞོན་སྐྱེས་མཐུན་ཚོགས་ Ahmadiyya Muslim Youth ཞེས་པ་དེས་རྒྱ་གྲམ་དམར་པོ་མཐུན་ཚོགས་དང་མཉམ་འབྲེལ་གྱིས་སྤྱི་ཚོགས་ཞི་བདེ་དང་འཆམ་མཐུན་ཆེད་ཁྲག་ཞལ་འདེབས་བསྡུའི་ལས་འགུལ་ཞིག་སྤེལ་བཞིན་ཡོད་པ་རེད། ལས་འགུལ་དེ་ནི་ཉེ་ཆར་ཨོ་སི་ཊོ་ལི་ཡའི་ནིའུ་སའོ་ཐི་ཝལ་མངའ་སྡེའི་ནང་བྷོན་ཌེ་ Bondi ས་ཁུལ་དུ་ཚོང་ཁང་ཁྲོམ་ར་ཞིག་གི་ནང་མི་ཞིག་གིས་གྲི་གང་བྱུང་བརྒྱབ་ནས་ཉེན་སྲུང་མི་སྣ་གཅིག་གཙོས་པའི་དོན་མེད་མི་དྲུག་དམར་གསོད་བཏང་བར་ཁོང་ཚོ་དྲན་གསོ་དང་མྱ་ངན་ཆེད་དུ་ལས་འགུལ་དེ་སྤེལ་གྱི་ཡོད་འདུག

ཨོ་སི་ཊོ་ལི་ཡའི་གདོད་མའི་མི་རིགས་ཨ་བྷོ་རི་ཇི་ནལ་དང་ཐོ་རི་སི་ཊི་གླིང་ཕྲན་གྱི་མི་རྣམས་ཁོང་ཚོའི་ངོ་རྟགས་དང་། འཚོ་བ་སྐྱེལ་སྟངས། བདག་ཐོབ་ཀྱི་འདུ་ཤེས་སོགས་ལས་ཁོང་ཚོ་དང་ཁོང་ཚོ་གནས་སྡོད་བྱེད་སའི་ས་གཞི་དབར་འབྲེལ་བ་ཟབ་མོ་ཞིག་ཆགས་ཡོད། ས་ཆ་དེ་ནི་ཁོང་ཚོའི་མེས་པོ་ཚོའི་ཁང་པ་དང་། ཁོང་ཚོ་འཚོ་གནས་བྱེད་སའི་རྨང་གཞི། འདས་ཟིན་པའི་ཁོང་ཚོའི་ལོ་རྒྱུས་བདག་ཉར་བྱས་པ་བཅས་མཚོན་ཡོད།

ཉེ་བའི་ལོ་ཤས་ནང་གི་ཡིག་ཆར་ལྟར་ན་ཨོ་སི་ཊོ་ལི་ཡས་ལོ་ངོ་བཅུ་ཕྲག་གཅིག་ཙམ་གྱི་རིང་ལུང་པ་གཞན་ལ་རོགས་སྐྱོར་གྱི་མ་དངུལ་མར་ཆགས་ཡོད་པ་དེ་ནི་རྒྱལ་ཁབ་རང་ཉིད་ཀྱི་འདོད་ཕྱོགས་མཐུན་གྱི་མེད་པ་དང་། ཨོ་སི་ཊོ་ལི་ཡས་མ་འོངས་པར་ལུང་པ་གཞན་ལ་རོགས་སྐྱོར་མ་དངུལ་མང་དུ་གཏོང་དགོས་པའི་འབོད་སྐུལ་བྱེད་བཞིན་ཡོད་འདུག

All parents and carers want to ensure their children travel safely when in a car. In this episode, we explore some of the legal requirements and best practices for child car restraints to ensure that children have the maximum chance of survival in case of a crash. - དུས་རྒྱུན་ཕ་མ་དང་ཕྲུ་གུ་ལྟ་སྐྱོང་བྱེད་མཁན་སུ་ཞིག་ཡིན་རུང་རླངས་འཁོར་ནང་འགྲུལ་བཞུད་བྱེད་སྐབས་ཕྲུ་གུའི་བདེ་འཇགས་དེ་གལ་ཆེ་ཤོས་ཆགས་ཡོད། ལེ་ཚན་འདིའི་ནང་ཕྲུ་གུ་རླངས་འཁོར་ནང་འཇོག་ནས་འགྲུལ་བཞུད་བྱེད་སྐབས་ཨོ་སི་ཊོ་ལི་ཡའི་ནང་ཁྲིམས་ཐོག་ནས་ཕྲུ་གུའི་བདེ་འཇགས་སྲུང་སྐྱོབ་བྱེད་དགོས་པའི་གནད་དོན་ཁག་དང་། ལྷག་པར་དུ་གལ་སྲིད་རླངས་འཁོར་བརྡབ་སྐྱོན་བྱུང་ཚེ་ཕྲུ་གུ་གསོན་པོ་གནས་པར་ཐབས་ལམ་གལ་ཆེན་ཁག་ཅིག་ངོ་སྤྲོད་ཞུ་རྒྱུ་ཡིན། ཨོ་སི་ཊོ་ལི་ཡ་ནི་འཛམ་གླིང་ནང་ཕྲུ་གུ་རླངས་འཁོར་ནང་འཇོག་སྐབས་གཟབ་ནན་དང་ཁྲིམས་དམ་ཤོས་ཀྱི་རྒྱལ་ཁབ་ཅིག་ཡིིན། ད་དུང་ཡང་རླངས་འཁོར་བརྡབ་སྐྱོན་སོགས་ཀྱིས་རྐྱེན་པས་ཕྲུ་གུ་བསད་རྨས་སོགས་ཀྱི་གནད་དོན་མང་པོ ཞིག་ལྷག་བཞིན་ཡོད་པ་རེད།

ཨོ་སི་ཊོ་ལི་ཡའི་ནང་ཚོང་ལས་ཁྲོམ་ར་ supermarket ཁག་གིས་ཞིང་པ་རྩ་ནས་ཁེ་བཟང་ཚད་ས་བརྒལ་བ་བླངས་བཞིན་པར་སྔོན་འགོག་ཆེད་ཚོང་ལས་ཁང་ཁག་བསྐྱར་ཞིབ་དང་བྱ་སྤྱོད་ལག་བསྟར་ཐད་གཏན་འབེབས་བྱེད་དགོས་པའི་བསམ་ཚུལ་བཏོན་མཁན་ཇེ་མང་དུ་འགྲོ་བཞིན་ཡོད་འདུག

དུས་རྒྱུན་ཨོ་སི་ཊོ་ལི་ཡའི་ནང་མི་མང་རྣམས་ཁྲོམ་གཞུང་ལ་ཡོང་ནས་གནད་དོན་གལ་ཆེན་ཞིག་གི་ཐོག་འབོད་སྒྲ་དང་ངོ་རྒོལ་ལས་འགུལ་སྣ་ཚོགས་སྤེལ་གྱི་ཡོད། ངོ་རྒོལ་ལས་འགུལ་སྤེལ་བ་ནི་ཁྲིམས་འགལ་མིན་ཡང་ས་མཚམས་ཤིག་དང་ཚད་རྒལ་གྱི་བྱ་སྤྱོད་ངན་པ་སྤེལ་ཆོག་གི་མེད་པ་རེད།

ཨོ་སི་ཊོ་ལི་ཡ་ནི་གླིང་ཆེན་ཚང་མའི་ནང་སྤྱི་ཡོངས་སྐམ་ཤས་ཆེ་ཤོས་དང་། ལོ་རེའི་ཆར་པའི་འབབ་ཚད་དང་། དྲོ་གྲང་གི་ཚད་གཞི། གནམ་གཤིས་སོགས་འགྱུར་ལྡོག་སོགས་ལོ་རེ་བཞིན་མ་འདྲ་བ་མ་འདྲ་ཡོང་གི་ཡོད། ལུང་པ་འདིའི་ནང་ཚ་བ་ཆེ་བའི་བྱང་ཁུལ་དང་། དྲོད་གཤེར་ལྡན་པའི་ལྷོ་ཕྱོགས་ཀྱི་ས་ཁུལ། ད་དུང་ཨོ་སི་ཊོ་ལི་ཡའི་ནང་ཚ་བ་དང་། ཐན་པ། ཆུ་ལོགས། རླུང་འཚུབ་སོགས་ཐལ་ཆ་ཆེ་བའི་གནམ་གཤིས་ཀྱི་འགྱུར་ལྡོག་མང་པོ་ཞིག་ཡོང་གི་ཡོད།

ཨོ་གླིང་རྒྱལ་ཡོངས་བོད་ཀྱི་གཞོན་སྐྱེས་ཆིག་སྒྲིལ་ལུས་རྩལ་འགྲན་ཚོགས་དེ་ཉེ་ཆར་ཕྱི་ཟླ་ ༣ ཚེས་ ༢༩ ནས་ ༣༡ བར་ཉིན་གྲངས་ ༣ རིང་ཨོ་སི་ཊོ་ལི་ཡའི་རྒྱལ་ས་ཁེམ་བྷེ་རར་ཚོགས་ཡོད་པ་རེད།

ཨོ་སི་ཊོ་ལི་ཡའི་ནང་ལོ་ངོ་བཅུ་ཕྲག་འགའ་ཤས་གོང་དུ་གཙོ་བོར་མཚོ་ཐོག་གྲུ་གཟིངས་ནང་ནས་འབྱོར་བའི་སྐྱབས་བཅོལ་ཞུ་མཁན་མི་གྲངས་ ༩༠༠༠ ཙམ་ཞིག དེ་སྔོན་ནས་ཨོ་སི་ཊོ་ལི་ཡ་གཞུང་གི་ཐོངས་ཆེན་གྱི་ལམ་ལུགས་ཤིག་གི་འོག སྐབས་དེར་ཁོང་ཚོར་གནས་སྐབས་ཐོངས་ཆེན་ཞིག་ལས་སྤྲད་མེད་སྟབས། ད་དུང་ཡང་ཁོང་ཚོ་གཏན་སྡོད་བྱེད་མཁན་གྱི་ཐོངས་ཆེན་དང་ཡང་ན་མི་སེར་གྱི་ཐོབ་ཐང་མ་རག་པར་ལྷག་བསྡད་ཡོད་འདུག

སྟོན་པ་ཡེ་ཤུ་འདས་ལོག་དང་བསྐྱར་གསོན་ཡང་ན་ཡེ་ཤུའི་ཆོས་ལུགས་བསྐྱར་གསོའི་དུས་ཆེན་ Easter ནི་ཡེ་ཤུ་ཆོས་ལུགས་ཀྱི་ལོ་ཐོ་གཞིར་བཟུང་གུང་སེང་དུས་ཆེན་གལ་ཆེན་ཞིག་ཆགས་ཀྱི་ཡོད་པ་རེད། མ་ཚད་ཆོས་ལུགས་གང་ཡིན་ལ་མ་བལྟོས་པར་དུས་ཆེན་དེར་ཨོ་སི་ཊོ་ལི་ཡའི་མི་མང་ཆེ་བ་ཞིག་གཟའ་འཇུག་དུས་ཡུན་རིང་པོའི་གུང་སེང་ལ་རོལ་གྱི་ཡོད་པ་དང་། སྐབས་དེར་ཁང་པའི་ཕྱི་རོལ་དུ་བྱེད་སྒོ་སྣ་ཚོགས་སྤེལ་བ་དང་མི་མང་འདུ་འཛོམས་སོགས་ཀྱིས་དགའ་སྟོན་ལ་རོལ་བཞིན་ཡོད།

མཉམ་འབྲེལ་རྒྱལ་ཚོགས་ཀྱི་བྱིས་པའི་ཐེབས་རྩ་ཚོགས་པས་གྷ་རྫ་ནང་ལྷག་པའི་ཕྲུ་གུ་རྣམས་ད་ཆ་ལྟོག་ཤི་ཐེབས་ཀྱི་ཡོད་པས། ཟས་གོས་རོགས་སྐྱོར་དགོས་རྒྱུར་ཛ་དྲག་ཆགས་ཀྱི་ཡོད་སྐོར་ཉེན་བརྡ་བཏང་འདུག

མི་མང་པོ་ཞིག་མ་རྩ་རྡིབ་རྗེས་དེའི་རྐྱེན་པས་ངོ་ཚ་བ་དང་མིང་ཆད་ངན་པ་ཕོག་པའི་ཚོར་སྣང་སླེབས་ཀྱི་ཡོད། འོན་ཀྱང་དེ་ནི་དཔལ་འབྱོར་གྱི་དཀའ་ངལ་སེལ་བའི་ཐབས་ལམ་ལེགས་ཤོས་ཤིག་ཀྱང་ཡིན་སྲིད། གལ་སྲིད་ཁྱོད་ཀྱིས་རང་ཉིད་ཀྱི་བུ་ལོན་ལ་དོ་དམ་བྱེད་མ་ཐུབ་པའི་གནས་སྟངས་ཆགས་ཚེ་ཁྱོད་ཀྱིས་དངུལ་ཁང་གི་བུ་ལོན་འཇལ་རྒྱུའི་སྙན་ཞུ་འབུལ་ཆོག

ཨོ་སི་ཊོ་ལི་ཡའི་གདོད་མའི་མི་རིགས་ཁྲོད་དུ་རིག་གནས་ཕྱུག་པོ་དང་རིག་གནས་སྣ་ཚོགས་ཅན་ཞིག་ཡིན་ཞིང་དེ་ནི་ཨོ་སི་ཊོ་ལི་ཡའི་ནང་ཡིད་དབང་འཕྲོག་པའི་ཁྱད་ཆོས་ལྡན་ཡོད། སྤྱིར་ཨོ་སི་ཊོ་ལི་ཡའི་གདོད་མའི་མི་རིགས་ཨེ་བྷོ་རི་ཇི་ནར་དང་ཐོ་རི་སི་གླིང་ཕྲིན་གྱི་མི་རྣམས་ནི་མི་སྡེའི་ཁྱིམ་ཚང་གཅིག་གི་ཚོ་ཁག་ལས་གྲུབ་ཡོད།

ཉེ་ཆར་ཨོ་སི་ཊོ་ལི་ཡའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་ཟུང་འབྲེལ་ཚོགས་གཙོ་སྐུ་ཞབས་ཌན་སི་མི་ཐི་ Dean Smith ལགས་དང་། གྲོས་ཚོགས་འཐུས་མི་དང་དེ་སྔོན་ཨོ་གླིང་གི་སྲིད་བློན་གཞོན་པ་ཟུར་པ་མེ་ཤལ་མེ་ཀོར་མཱ་ཁེ་ Michael McCormack ལགས། གྲོས་ཚོགས་འཐུས་མི་ལྕམ་དྷེ་བྷོ་རཱ་ཨོ་ནལ་ Deborah Mary O’Neill ལགས། གྲོས་ཚོགས་འཐུས་མི་སྐུ་ཞབས་ཌེ་ཝེ་ཌི་སི་མི་ཐི་ David Smith ལགས་བཅས་བོད་དོན་རྒྱབ་སྐྱོར་ཆེད་བཞུགས་སྒར་རྡ་རམ་ས་ལར་ཆེད་ཕེབས་ཀྱིས་༧གོང་སྐྱབས་མགོན་ཆེན་པོ་མཆོག་ལ་མཇལ་ཁ་ཞུས་པས་མ་ཚད། བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་ ༦༥ པར་གཞུང་འབྲེལ་མཛད་སྒོ་ཐོག་མཉམ་ཞུགས། དེ་ཉིན་ཕྱི་དྲོར་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ་བོད་དོན་རྒྱབ་སྐྱོར་གྱི་གསར་འགོད་ལྷན་ཚོགས་ཤིག་བསྐོངས་གནང་འདུག

དེ་རིང་ཕྱི་ལོ་ ༢༠༢༤ ཟླ་ ༣ ཚེས་ ༡༠ ཉིན་སིཌ་ནི་བོད་རིགས་མཐུན་ཚོགས་ Tibetan community of Australia (NSW) དང་གནས་མཁར་གསར་བོད་རིགས་མཐུན་ཚོགས་ New Castle community གཉིས་ཀྱིས་གོ་སྒྲིག་འོག་ཨོ་སི་ཊོ་ལི་ཡའི་གྲོང་ཁྱེར་སིཌ་ནིང་ནང་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་ ༦༥ སྲུང་བརྩི་དང་། སིཌ་ནིང་གྲོང་ཁྱེར་གྱི་ལྟེ་བ་ Martin Place ནས་རྒྱ་ནག་གཞུང་ཚབ་མདུན་བར་ཁྱོན་བོད་མི་ ༥༠༠ ཙམ་གྱིས་གོམ་བགྲོད་དང་རྒྱ་ནག་གཞུང་ལ་ངོ་རྒོལ་སྐད་འབོད་གནང་ཡོད་པ་རེད།

དུས་རྒྱུན་ཁྱེད་རང་གིས་ལས་ཀའི་ས་མིག་ཞིག་ཡོད་པ་གསལ་བསྒྲགས་མཐོང་བ་དང་ཁྱེད་རང་ལས་ཀ་དེ་ལ་འདོད་མོས་བྱུང་ཚེ། དེའི་རྗེས་ལ་ཁྱེད་རང་གིས་བསྒྲུབ་དགོས་པའི་ཆ་རྐྱེན་དེ་ཚོ་ཤེས་རྒྱུ་གལ་ཆེན་པོ་ཆགས་ཡོད།

དེ་རིང་ཕྱི་ཟླ་ ༣ ཚེས་ ༦ རེས་གཟའ་ལྷག་པ་ཉིན་སིཌ་ནིང་བོད་རིགས་མཐུན་ཚོགས་ཀྱིས་གོ་སྒྲིག་འོག བོད་ཁམས་སྡེ་དགེ་ཁུལ་དུ་ཛ་དྲག་གི་གནས་སྟངས་ལ་གདུང་སེམས་མཉམ་སྐྱེད་ཆེད། ཨོ་སི་ཊོ་ལི་ཡའི་གྲོང་ཁྱེར་སིཌ་ནིང་ཁུལ་དུ་གནས་སྡོད་ཁྱོན་བོད་མི་ ༢༥༠ ཙམ་གྱིས་རྒྱ་ནག་གཞུང་ཚབ་མདུན་དུ་ངོ་རྒོལ་སྐད་འབོད་གནང་ཡོད་པ་རེད།

ཉེ་ཆར་རྒྱ་ནག་གཞུང་གིས་ཆུ་མཛོད་གསར་རྒྱག་བྱེད་རྒྱུ་ཡིན་པར་བརྗོད་ནས་ཁམས་སྡེ་དགེ་ཕྱོགས་ཀྱི་ས་གནས་བོད་མི་མང་པོ་ཡུལ་གཞན་ལ་གནས་སྤོ་དགོས་པའི་བཙན་བཀའ་ཕབ་པར་བརྟེན། ཟླ་འདིའི་ཚེས་ ༡༤ ནས་བཟུང་ཁམས་སྡེ་དགེའི་མངའ་ཁུལ་འབྲི་ཆུའི་བཞུར་རྒྱུད་དབོན་པོ་སྟོད་ཁུལ་དུ་ཆགས་པའི་དབོན་སྟོད་དགོན་དང༌། ལྷ་འབྲོང་དགོན་པ། ཡེ་ན་དགོན་པ། དགོན་གསར་དགོན་པ། རབ་བརྟན་དགོན་པ་སོགས་དགོན་ཁག་དྲུག་དང༌། མི་དམངས་ཕོན་ཆེན་གྱིས་རྒྱ་གཞུང་ལ་ཞུ་འབོད་རིམ་པ་བྱས་ཀྱང་། རྒྱ་གཞུང་གིས་དང་ལེན་བྱ་མ་བྱས་པས་མ་ཚད་མིང་མང་རྡུང་རྡེག་བཏང་བ་དང་བོད་མི་ ༡༠༠༠ ལྷག་འཛིན་བཟུང་བྱས་ཡོད་འདུག